Matumba ma lati ma boli bolangi ná:

•   Botea na mińa 7 nate̱na 23 ma mo̱di ma Maye̱se̱ o mbu 2023, bila oteten a Israel na Gaza be wan kwed’a buka 6 400 la bato be sengise̱ pe̱ 15 200 la bato sese, jita labu di si ta bane̱ bila. O mbata nika, bebwea ba lokoli pe̱ be ta eto̱m e dia milongi mabu.

•   O 24 ma mińa ma mo̱di ma Ńe̱te̱ki 2023, bila oteten a Rusia na Ukre̱n be wan kwed’a 9 701 la bato ba mundi be bola pe̱ ná 17 748 la bato lo kuse sese o Ukre̱n.

 Njika dipita Bibe̱l e mabolano̱ bato ba matake̱ o njo̱m a bila e?

 Bibe̱l e mabīse̱ ná Loba a me̱nde̱ ‘bo̱le̱ bila nate̱na o su la wase.’ (Myenge 46:10) Ná nik‘e tongwe̱le̱, a me̱nde̱ bolane̱ janea la mo̱ń lena di me̱nde̱ timbane̱ manea me̱se̱ ma bato ba benama. (Daniel 2:44) Janea la Loba di me̱nde̱ wanea mbel’a moto belo̱ko̱medi.

 Ombwa te̱ nje Yesu Kristo, Kiṅ’a Janea la Loba a me̱nde̱no̱ bola:

•   “A me̱nde̱ sunga mutuedi nu mate̱ misea, na mutakedi nu si be̱n mongwanedi. A me̱nde̱ bwea bayaṅabe̱ na basasabe̱ ndedi, na sunga pe̱ longe̱ la bandenge̱. A mawunja midī mabu na mabandan na matusan.”—Myenge 72:12-14.

 Loba a me̱nde̱ bolane̱ janea lao o bo̱le̱ ndutu na take ńe̱se̱ bena bila na njo ba wanno̱.

•   “A me̱nde̱ tuta miso̱di me̱se̱ o miso̱ mabu; kwedi e si me̱nde̱ pe̱ be̱, male̱bo to̱ musea to̱ sese ba si me̱nde̱ pe̱ be̱; ebanja mambo maboso ma mátomba.”—Bebīsedi 21:4.

 Son a ponda janea la Loba di me̱nde̱ po̱ngulane̱ mambo me̱se̱ o wase. Bibe̱l e ta e bīse̱ ná di me̱nde̱ senga ońola “bila na mumban ma bila”. (Mateo 24:6) Man mambo na mape̱pe̱ ma malee̱ nde ná je nde o “mińa misukan” ma janea la mot’a benama.—2 Timoteo 3:1.