A zɔɔre naŋ be Ukraine paaloŋ ane lɛ na a saluoni naŋ leɛrɛ na vɛŋɛɛŋ aŋ e kpeɛŋaa ka noba naŋ be a donɛɛ lombori zaa nyɛrɛ bondirii naŋ seŋ neŋ. A yɛlɛ ŋa maaleŋ eɛ kpeɛŋaa yaga zaa a ko noba naŋ be paalonne naŋ ba taa libie yaga ka ba nyɛ bondirii naŋ seŋ neŋ a dire.

•   “Zɔɔre, lɛ na a saluoni naŋ leɛrɛ, ane lɛ na boma daa naŋ duoro, ane a yɛlɛ ama taa vɛŋɛɛŋ ka bondirii maaloo, ane lɛ baŋ na toɔ̃ e a vɛŋ ka bondirii bebe a ko noba ka ba dire e kpeɛŋaa yaga zaa.”​—António Guterres, UN secretary-general, July 17, 2023.

•   “Noba naŋ kyile yelpeɛre poɔŋ yeleeŋ ka, Russia paaloŋ naŋ iri ba nuure yi nɔlaŋ na ba ne paalonne mine naŋ da taa ka ba maŋ de bondirii a yi neŋ Ukraine paaloŋ a gaaneŋ paaloŋ yobo na zuŋ, a na vɛmeŋ ka a e kpeɛŋaa ko noba naŋ be a donɛɛ lombori zaa ka ba nyɛrɛ bondirii naŋ seŋ neŋ a dire. A yɛlɛ ŋa na lɛ vɛmeŋ ka bondirii daa e tuo paalonne naŋ ba taa libie yaga pooreŋ. A paalonne ŋa mine be la North Africa ane a Donɛɛ Sapare sɛŋ na.”​—Atalayar.com, July 23, 2023.

 Zanne nyɛ yɛlɛ na a Baabole naŋ yeli kyaare lɛ na bondirii naŋ na kɔŋ ane nendaare kaŋa yɛlɛ.

•   Yezu daŋyeleeŋ ka: “Paaloŋ na maŋ iri zɔɔrɔ neŋ la o tɔ paaloŋ, ka namine meŋ iri zɔɔrɔ neŋ taa, kɔŋ kpoŋ na bebeŋ.”​—Matio 24:7.

•   Yel-iriwulaa gane naŋ be a Baabole poɔŋ wulee wiri zɔnneba banaare mine naŋ are ko yɛlɛ mine naŋ na nyɛrɛ eebo. A wiri zɔnnɔ kaŋa are ko la zɔɔre. Wiri kaŋa meŋ naŋ are ko kɔŋ kpoŋ meŋ tuuree o puoreŋ a zoro. Lɛ wuleeŋ ka saŋa na a wiri ŋa naŋ na zoro na, bondirii koŋ bebe yaga, ka a daa meŋ e tuo yaga. “Maŋ daaŋ kaa, a nyɛ! ka wiri sɔglaa la, ka neɛ naŋ zɔŋ a wiri taa boma baŋ maŋ de manna boma ayi o nuureŋ. N da woŋ la boma mine naŋ dɔɔnɔ aŋa kɔkɔɛ . . . a yele ka, ‘De bebi-yenaa saŋyɔɔ a da wiit ŋmanlee! A lɛ de bebi-yenaa saŋyɔɔ a da baali ŋmanlee ata.’”​—Yel-iriwulaa 6:5, 6, Contemporary English Version.

 Yɛlɛ na a Baabole naŋ daŋyele a kyaare lɛ bondirii naŋ na kɔŋ na nyɛrɛɛ eebo pampana. A wagre ŋa la ka a Baabole boɔlɔ ka, “a bebi-baaree saŋa.” (2 Timoti 3:1) Ka hooŋ boɔrɔ ka ho zanne yɛlɛ yaga a kyaare “a bebi-baaree saŋa,” ane a wiri zɔnneba banare yɛlɛ naŋ be a Yel-iriwulaa gane na poɔŋ, kaa a vidio ŋa, Ayi Yuoni 1914 A Waana Zenɛ, A Donɛɛ Leɛrɛɛŋ Yaga Zaa kanne a yelzu ŋa meŋ, “The Four Horsemen​—Who Are They?” (Bo Ka A Wiri Zɔnneba Banaare Na Are Ko?)

•   A Baabole taaɛ kawaŋ-sonne naŋ na toɔ̃ soŋ te ka te are te yelkpeɛne noɔreŋ. A yelkpeɛne ŋa mine na baŋ eɛ lɛ na bondirii daa naŋ duoro ane lɛ na kɔŋ naŋ bebe na yɛlɛ. A yelzuri ŋa na baŋ soŋ boŋ ka ho are ho yelkpeɛne noɔreŋ “How to Live on Less.” (Yɛlɛ Naŋ Na Toɔ̃ Soŋ Bo Ka Hooŋ Ba Taa Bontaree Yaga.)

•   A Baabole lɛ ko teŋ teɛretɔ ka yɛlɛ na leɛreŋ bebiri kaŋa. A Baabole eŋɛɛ noɔre ka, wagre kaŋa waanaŋ ka ‘bonbie na pore yaga zaa a teŋganeŋ.’ A saŋa neɛzaa na taaɛ bondirii a maŋ di ka a seŋ o soba. (Yieme 72:16) Ka hooŋ boɔrɔ ka ho zanne yɛlɛ yaga a kyaare a nendaare kaŋa teɛretɔ ŋa, ane bon nanso hoŋ na baŋ sage ana yɛlɛ na di, kanne a yelzu ŋa, “A Real Hope for a Better Tomorrow.” (Nendaare Kaŋa Naŋ Soma Yaga Zaa Teɛretɔ Naŋ Bebe Meŋɛmeŋɛ.)