Pë ˈö mɛn zë ˗sü waa ˈwɔn yaa ˗kë mɛn ˈka ˗sü ˈdhö˗ ˗kë, Yesu ˗ya dɔ. ˗Wo ꞊sua ˗ya ˗a ˗bha, ˈwo˗ man, ˈwo za yaa ˗ya ˗bha, ˈgo mü ˈzü ˈwo˗ zë ˈˈwɛɛwɛ. ˈKö ˗kë ꞊dhɛ Yesu ˈyii ˈwɔn yaa ˈˈwɛɛ ˈbha kë, ˗yö ˗we ˈwɔn ˗nu bhë ˗an ꞊gban ˗bha ˈö ö «˗dɩ nu ˗a ˗nu [mɛnbhɩɩdhe ˗nu ] dha ˗wɔn ˈgü.» (Matiö 20:28; Zan 15:13) ˗A ˗bha ˗kë ˗Zlan ˗bha ˗Gblüdëdhɛ ˗Gɔdhiʋ̈mɛn ˈka ˗sü ˗wɔn ˈgü, ˗yö ˗dho ˈwɔn yaa waa mɛn zë ˗sü ˗nu ˈˈdhiʋ̈ ˈduannu ˈpapadhö ˈˈkpɔnŋtaadhɛ ˗todhʋ̈ ˗sü ˗ta.—Isaïe 42:3.

 Yesu ˗ya ˈwɔn ˗nu ˈwo bhë ˗an kë, ˗kɔ ˈö ˈˈkpɔnŋtaadhɛ ˈö dho kë ˗a ˈka, Biblö ˗ya ˗blɛɛ:

•   «ˈWɔnyaakëmɛn ˗nu ˈwaa ˈdhö ˈzüdɔ, ü ˗dho ˗dhɛ ˗ga ˗dhɛ ˈwo˗ ˗bha ˗be ˗a ˈgü kö ˈwaa mü ˈzüdɔ. ˈˈKɛɛ ˗de ˗kë ˈˈtɩtɩmɛn ˗nu ˈnën ˈwo ˗dho ˈto ˈˈsɛ ˗ta, ˈö ˈwo ˗yadeflëëgüsü ꞊dede din yö.»—Psaume 37:10, 11.

 Kwa ˗dho Yesu ˈˈnuɛ bho ˗kɔ ˗kë ꞊dhɛ ˈwɔn ˗së ˈö˗ ˗kë kwa ˗dhɛ waa˗ ˗dhɛ ˈö ˗dho ˗a kë kwa ˗dhɛ ˗an ˗wɔn ˈgü? Yesu ˗ya ˗pö Dhukö 22:19 ˈgü ꞊dhɛ ö ˗bha gwëëˈˈ ˗nu ˗zo ˗yö ˗bo ˗a ˗bha ga ˈka. Yö ˈnën ˈwɔn ˈgü ˈö ˗kwɛ ꞊gban ˈˈpɛpɛ ˈka, ˗a ˗bha ga ˗dhɛkpaɔyi ˈka ˈö Zoova ˗bha ꞊Gbɛkiö ˗nu ˗wo dho wo ˈkwëëdhö bhë! Yi ü ˗dhɛ kö ˈü nu kö ˈkwa Yesu ˗bha ga ˗zo ˗bo ˈwlaan˗ kë kwa ˈˈkwëë ˗kwɛ 2024 ˗Tɛɛdhoowayi Masö 24 ˈka.

˗Zo ˗bo ˈwlaan˗ kë ˗dhɛ do mɛɛnˈˈ