Yi ˗ʒiö ˈɲënŋ˗ ɛɛnˈˈ dha ˈˈyi ˗dhɛ, ˈö ˈyi ˈˈta ꞊gblɛɛn ˈsü kö ˈyi kë ˗bhɔkwëë ˗nu ˗ta. ˈYaa yi ꞊kwaa ˈwɔn ˈˈgbɩɩ˗ ˗nu ɛɛnˈˈ sëëbhodhe ˗nu ˗zü kö ˗wo yi ˈˈkan ˗kë yi ꞊dhegblü ˗nu ˈˈpiʋ̈ ˗sü ˗bha. ꞊Trɔɔn ˗mɛɛn ˈyi ˗an ꞊slɔɔ ˗a ˗kë ˈˈdhʋ̈ ˗sü ˈgü?

Yi ˗kë ˈflëëgüdhe ꞊slɔɔ ˗an ˈˈpiʋ̈. Pɔdhö ˗ya ˗pö ˗zlanwokɔdhigümɛn ˗nu ˗dhɛ ꞊dhɛ ‘˗Wo wo ˈˈtʋ̈ŋ kë wo ˈko˗ ˈgü.’ (Eblö 10:24) ˗A pö ˈö˗ ˈwo ˈˈdhʋ̈ bhë, ˗a ˗gɛn ˈnën ˗tɔ ꞊dhɛ ˗wo wo ˈko ˗nu dɔ. ˗Dhɛ ˈö ˈˈdhʋ̈ Pɔdhö ˗yö kwa ꞊faan ˗mën kö ˈkwa kwa ˗zokë kwa ˈko ˗nu ˈˈpiʋ̈. ꞊Ya kë ꞊dhɛ ˈkwa ꞊ɲɔɔn kwa ꞊dhegblü ˗nu ˗bha, kwa dho ˗a yö ꞊dhɛ ˈwɔn ˈˈgbɩɩ˗ ˗nu ˈkwa ˗an ˈgü bhë, wo de ˈpö ˗wa bɔ ˗an ˈgü. ˗A ˗wɔn ˈgü, ˗wo ꞊mɔɔn˗ ˗bha kö ˗wo kwa ˗takun kö ˈkwa bɔ kwa ˗bhaa ˗nu ˈgü.

Yi ˈˈtɔŋdëdhɛ ˗nu ˈwo ˗dho ꞊gɔɔ ˗an ꞊slɔɔ ˗an ˈˈpiʋ̈. Mɛn ˗nu ˈyi ˗kpan ˗an ˗bha yi ˗bha ˗bhɔkwëë ˗nu ˗ta, ˈwaa yi dɔmɛn ˗nu ˈˈkpaan ˈka, yi ˈˈtɔŋdë ꞊dede ˗nu ˗mü. ˗Dhɛkpaɔyi ˈˈwɛɛ ˈbhaa ˗nu ˈka, yi ˗dho yi ˈˈkwëë ˈyi trʋʋˈˈ ˗nu ˗ke yi ˈˈkwëë. ˈYa kë yi ˈˈkwëë ˈˈtʋ̈ŋ ˗nu bhë, ˗an ˈka, ꞊trɔɔn ˗mɛɛn ˈyi˗ ꞊slɔɔ? Yi yi ˈko dɔ ˗së ˈka ˈö yi ˈko ˗dhɔ ˗yö ˗dadhiʋ̈. ˈYö ˈnën˗ ˗wɔn ˈgü ˈö ˈwɔn ˈˈgbɩɩ˗ ˗ya kë yi ˈˈtɔŋdë do ˈka, ˈyi dho ˗a ˗dhɛ kö ˈyi˗ ˗takun. (Proverbes 17:17) ꞊Ɲɔɔn mɛn ˈˈpɛpɛ ˈwo kwa ˗bha ˗zlanwokɔdhi ˈgü ˗an ˗bha ˗sü ˗ya ˗zɔn ꞊dhɛ ‘dɔ ˈnën ˈyi wo yi ˈko ˗wun ꞊zɔnngˈ ˗ta.’—1 Kodhɛngtö 12:25, 26.

Yi ü ꞊faan ˗mën kö ü ˈˈtɔŋdë ˗nu ˗wo kë ˗Zlan dhɔɔbhawɔn këmɛn ˗nu ˈka. Ü ˗dho ˗an ꞊slɔɔ Zoova ˗bha ꞊Gbɛkiö ˗nu ꞊zinŋ ˈgü. ˗Dhɛ ˈö ˈˈdhʋ̈, ˗bhö pë ˈˈpɛpɛ kë kö ˈü kpa ˗an ˗bha.

• ˗Mën ˈö ˗kë ˈö ˗dho ˗bhɔkwëë ˗ta ˗sü ˈdhö ˗së?

• ˗Dhɛkpaɔyi ˗mɛɛn ˈü˗ ˈˈpiʋ̈ ˈü ˈdho ˗a ˈka ˗bhɔkwëë ˗ta?