˗Zlan ˗ya ˈˈpiʋ̈ kö mɛnbhɩɩdhe ˗nu ˗wo ˗tosɛta kë zuʋ̈gblüdhi ˈgü ˈˈkpɔnŋ ꞊taa. ˗Yö ˈˈsɛ waa ö ˗ta ˗pë ꞊gban ˈˈpɛpɛ ˗da, ˈyö ˗tɔ ꞊dhɛ mɛnbhɩɩdhe ˗nu ˗dhɔ ˗ya ˗kë. ˗A ˈˈtʋ̈ŋ ꞊ya ˈto ꞊klöö˗ kö ˗yö ˗dhɛkpaɔ ˈˈdhiʋ̈ ˗së nu mɛn ꞊gban ˗dhɛ ˈˈsɛ ꞊gban ˈgü. ˗Yö ˗dho pë ˗nu ˈwo kwa ˗da saanˈˈ ˗nu ˈgü ˗an ꞊gban bho kwa ˗bha.​—Jérémie 29:11 ˗wo pö.

ˈˈSɛkɔɔnmɛn ˈbha ˗kɔ yö ˈti ˗mɔn ˈˈdhiʋ̈dhɛ, ˈˈyua ɛɛnˈˈ ga ˗nu ˗bho ˈˈshia˗ ˗sü ˗bha toŋtoŋdhö. ˈˈKɛɛ nɔɔn˗ ˗së ˗nu ˗wo ˗dhö. ˗A ˈˈtʋ̈ŋ ˈyaa ꞊gblɛnŋ ˈzü kö ˗Zlan ˗yö ö ˗bha mɛn ꞊kɔɔn ˗sü ˗ya mɛnbhɩɩdhe ˗nu ˗bha mɛn ꞊kɔɔn ˗sü ꞊gban ˈˈpɛpɛ ˈˈgblʋʋ ˈgü. Mɛn ˗nu ˈö ˗dho ˗an ꞊kɔɔn˗, ˗wo ˗dho kë wo ˈflëëgü zuʋ̈gblüdhi ˈgü.​—˗Dhɛkpaɔ dhiaˈˈ ˈsëëdhɛ 11:15; 21:3, 4 ˗wo pö.

˗Zlan ˗ya ˈwɔnyaakëmɛn ˗nu bho ˈˈkpɔnŋ ꞊taa ˈyö saanˈˈ dho˗ ɲën. (Tsephania 2:3) ˗Yö ˗dho kë ˈˈdhʋ̈ ˈˈtʋ̈ŋ ˗mɛɛn ˈgü? ˈWɔn yaa ˗nu ˈwo kë ˗ni mɛnbhɩɩdhe ˗nu ˈka ꞊dɛɛ, ˗Zlan ˗Wo ˗ya ˗to ˈˈdhiʋ̈ ˈö˗ ꞊blɛɛ. ˗A ˈwɔn yaa ˗nu ˈwo ˈˈdhʋ̈ ˗wa ˗zɔn ꞊dhɛ ˗a ˈˈtʋ̈ŋ ꞊ya ˈto ꞊klöö˗ kö ˗Zlan ˗yö ˈwɔnyaakëmɛn ˗nu bho ˈˈkpɔnŋ ꞊taa.​—2 Timote 3:1-5 ˗wo pö.

Kwa dua ˗mü kö ˈkwa bɔ Biblö ˈö ˗kë ˗Zlan ˗Wo ˈka ˗bhë ˗a ˗ta kö ˈkwa ˗Zlan dɔ. ˗Yö ꞊dhɛ kwa dë ˈö kwa ˗dhɔ ˗ya ˗kë, ˗a ˗bha ˈsëëdhɛ ˈö˗ bɔ kwa ˗dhɛ ˗a ˈdhö. ˗Yö ˗kɔ ˈö ˈkwa ˗dho ˗tosɛta ˗së kë ˗a ˈka ꞊dɛɛ, waa ˗kɔ ˈö ˈkwa ˗dho ˗tosɛta ˈö ˈyaa ɲën ˗a kë ˗a ˈka ˈˈkpɔnŋ ꞊taa ˗dhɛkpaɔ dhiʋ̈ˈˈ ˈgü, ˗an ˗zɔn kwa ˗dhɛ. Ü ˗takun ˗sü kö ˈü Biblö ˈgüman bhë, ˗yö ꞊mɔɔn˗ ˗bha ˈö ˗kë mɛn ˈbhaa ˗nu ˗dhɛ ˈyaa˗. ˈˈKɛɛ ˈdhɛ ˈö ˗kë ꞊dhɛ ˗Zlan ˗ya ˗dhɛkpaɔ dhiʋ̈ˈˈ ˗së ˈˈplüün bho kwa ˗dhɛ bhë, kwa dua ˈyaa ˗mü kö ˈkwa kwa ꞊kwaa mɛn ˈˈwɛɛ ˗nu ˗zü kö ˗wo kwa ˈgü ga Biblö draanˈˈ ˗sü ˗bha.​—Proverbes 29:25; ˗Dhɛkpaɔ dhiaˈˈ ˈsëëdhɛ 14:6, 7 ˗wo pö.