ˈˈTAN 9
Zoova ˈnën ˗tɔ kwa ˗bha ˗Gblüdë
(Psaume 97:1)
-
1. ˗Ka nu ˈkwa ˈˈtan bho Zoova ˈˈpiʋ̈.
˗A ˗bha kpɛnŋdhödhɛ ˈˈdhü ˗yö ˈˈwɩ ˗ni dhaŋ˗ ˈgü.
˗Kwaa ˈtɔ bhɔ ˗a ˗bha ˈwɔn ˗së ˈö˗ ˗kë ˗a ˗wɔn ˈgü,
Kö mɛn ˈˈplɛ ˗wa ˈwɔn dɔ ˗dhɛ ꞊gban ˈgü.
(˗A ˈKUN ˗KƆ)
˗Zlan ˗dapë ˗nu ˈsaadhö, ˗kwa zuʋ̈niidadhe kë.
Zoova ˈnën ˈtɔ˗ kwa ˗bha ˗Gblüdë.
˗Zlan ˗dapë ˗nu ˈsaadhö, ˗ka nu ˈkwa ˗Zlan ˈtɔ bhɔ.
Zoova ˈnën ˗tɔ kwa ˗bha ˗Gblüdë.
-
2. Kwa Dë ˈnën ˗tɔ kwa ˗takozëmɛn.
Yö ˈnën kwa ˗gɔ ˗ta dhɔ kö ˈkwa dha ga ˗gɔ.
˗Kwaa ˈtɔ bhɔ ˗dhɛ ꞊gban ˈgü, ˈˈkpɔnŋtaamɛn ˗nu ˗wa yö.
Yö do ˈnën ˈkwa ˗dho ˈˈgblü ˗a ˗dhɛ ˈˈshia˗.
(˗A ˈKUN ˗KƆ)
˗Zlan ˗dapë ˗nu ˈsaadhö, ˗kwa zuʋ̈niidadhe kë.
Zoova ˈnën ˈtɔ˗ kwa ˗bha ˗Gblüdë.
˗Zlan ˗dapë ˗nu ˈsaadhö, ˗ka nu ˈkwa ˗Zlan ˈtɔ bhɔ.
Zoova ˈnën ˗tɔ kwa ˗bha ˗Gblüdë.
-
3. ˗Zlan ˗ya ö ˗bha ˗Gblüdëdhɛ ˗gɛn ˗gban,
˗Ya ö ˗de Gbö Yesu kë kwa ꞊kɔɔnmɛn ˈka.
Yö ˈnën dho ꞊sua ˗zlan ˈˈplɛ
ˈwo ˈˈkpɔnŋ ꞊taa ˗an bho ˈˈshia˗,
Kö ˈkwa Zoova ˗Zlan dosɛnŋ ˗dhɔkë.
(˗A ˈKUN ˗KƆ)
˗Zlan ˗dapë ˗nu ˈsaadhö, ˗kwa zuʋ̈niidadhe kë.
Zoova ˈnën ˈtɔ˗ kwa ˗bha ˗Gblüdë.
˗Zlan ˗dapë ˗nu ˈsaadhö, ˗ka nu ˈkwa ˗Zlan ˈtɔ bhɔ.
Zoova ˈnën ˗tɔ kwa ˗bha ˗Gblüdë.
(Kpɔɔˈˈ 1 Chron. 16:9; Ps. 68:20; 97:6, 7 ˗bha.)
