Ka˗ ˈˈpiʋ̈ kö ˈka ˈsëëdhɛ ˗draan ö ˗de ˈˈpiʋ̈ ˗sü ꞊trɔɔn ꞊slɔɔ ˗ee? Pë ˗nu ˈwo yö ˗wo ˗dho ka ˗takun kö ˈka ka ˈˈɲan ˗klu ˈsëëdhɛ draansü ˗bha ꞊dedewo:

• ˗Ka ˗ya ˗dhɛ ˗sëdhɛ ˈgü. ˗Ka ˈdho ˗dhɛ ˈö ˈˈwo ˈbhü ˈdhö˗ ˗bha ˗së ˈka, ˗a ˈgü. Ka ꞊mɔɔn˗ ˗bha ˈka kë ꞊bidhoŋ ɛɛnˈˈ tablö ˈˈdhiʋ̈ ɛɛnˈˈ ˈzü ˗dhɛ ˗sëdhɛ ˈbha ˈgü ˈˈkpɛnŋdhö.

• ˗Ka kë ka do ˈka. Yesu ˗yö ‹˗soo ˗dhɛkpaɔ tii ˈgü ˈö dho ˈˈtʋngtadhɛ ˈbha ˈgü› kö ˈö bhɛɛˈˈ. (Mak. 1:35) ꞊Ya kë ꞊dhɛ ˈkaa ꞊mɔɔn˗ ˗bha kö ˈka kë ka do ˈka, ˗kaa pö ka ˗bha ˈkɔdhigümɛn ˗nu ɛɛnˈˈ mɛn ˈö kaa˗ ˗nu ˈka ˈkɔ do ˈgü ˗an ˗dhɛ ꞊dhɛ ka˗ ˈˈpiʋ̈ kö ˈka ˈsëëdhɛ draanˈˈ, kë ˈˈdhʋ̈ kö ˈwa ˗dho ka ˈˈtʋ̈ŋ ˈsü.

• ˗Ka ka ˈˈɲan ˗klu ˗a ˗bha ꞊dedewo. ꞊Ya kë ꞊dhɛ ka ˗bha telefɔnö ɛɛnˈˈ ˗tablɛtö ˈnën ka ˈsëëdhɛ ꞊draan ˗a ˈgü, ˗kaa ˗wo ꞊ɲɔɔn ˈˈshia ɛɛnˈˈ ˗kaa kë kö mɛn ˗nu ˈwa ˗dho ka ˗dhɛ, ˈwo ka ˈˈtʋ bho ˈsëëdhɛ draansü ˈˈpiʋ̈. Yö ˈbha kë ˗sü ˗ya nu ka ˗zo ˈˈpiʋ̈, ˗kaa ˗bɛnzë ˈsëëdhɛ ˗ta kö ˈka˗ kë ꞊taabha. ꞊Ya kë ˈzü ꞊dhɛ ˈkaa ka ˈˈɲan ˗klu ˗ni ˈgü ˈsëëdhɛ draansü ˗bha ˗së ˈka, ˗ka luuˈˈ ˈka ˈˈtasü ɛɛnˈˈ ˈka ka ˈgü ˈˈgan.