BYDDWCH YN WYLIADWRUS!
Sychderau Difrifol—Beth Mae’r Beibl yn ei Ddweud?
“Yn ôl cofnodion Tsieina, dyma ei haf poethaf erioed, ac un o’i sychaf.”—The Guardian, Medi 7, 2022.
“Yn ôl y rhagolwg, bydd rhannau o Affrica yn dioddef o sychder ofnadwy am y bumed flwyddyn yn olynol.”—UN News, Awst 26, 2022.
“Mae dwy ran o dair o Ewrop mewn peryg o sychder, ac mae’n debyg mai sychder eleni yw’r gwaethaf ers 500 mlynedd.”—BBC News, Awst 23, 2022.
Mae llawer o arbenigwyr yn disgwyl y bydd sychderau tebyg yn parhau, a hyd yn oed yn gwaethygu. Oes ’na unrhyw obaith am ddyfodol gwell? Beth mae’r Beibl yn ei ddweud?
Sychder a phroffwydoliaeth y Beibl
Rhagfynegodd y Beibl am ein dyddiau ni:
‘Bydd ’na brinder bwyd mewn un lle ar ôl y llall.’—Luc 21:11.
Yn aml, mae sychder yn arwain at brinder bwyd. Mae prinderau bwyd o’r fath, a’r dioddefaint a’r marwolaeth sy’n dod yn eu sgil, yn cyflawni proffwydoliaeth y Beibl.—Datguddiad 6:6, 8.
Pam mae sychderau yn gwaethygu
Mae’r Beibl yn esbonio rheswm sylfaenol pam mae sychderau’n mynd yn waeth. Mae’n dweud:
“[Dydy pobl] ddim yn gallu trefnu beth sy’n mynd i ddigwydd.”—Jeremeia 10:23.
Mae hynny’n golygu nad ydy pobl yn gallu rheoli dros eraill yn llwyddiannus. Mae eu penderfyniadau gwael yn aml yn achosi sychderau a phrinder dŵr.
Mae’r rhan fwyaf o wyddonwyr yn cytuno bod pobl wedi achosi cynhesu byd-eang, ac o ganlyniad, mae ’na fwy o sychderau ledled y byd.
Mae pobl hunanol, a rhai sydd wedi creu polisïau heb feddwl am y dyfodol, wedi achosi problemau fel llygredd, coedwigoedd yn cael eu dinistrio, a defnydd gwael o adnoddau naturiol. Mae hyn i gyd yn peryglu ffynonellau gwerthfawr o ddŵr.
Ond mae’r Beibl yn rhoi gobaith.
Oes ’na unrhyw obaith ar gyfer y dyfodol?
Mae’r Beibl yn addo y bydd Duw yn datrys y creisis o brinder dŵr rydyn ni’n ei hwynebu nawr. Sut?
1. Mae Duw am “ddinistrio’r rhai sy’n dinistrio’r ddaear.” (Datguddiad 11:18) Bydd yn cael gwared ar un o’r pethau sy’n achosi prinder dŵr—pobl ddrwg a hunanol sy’n niweidio’r amgylchedd.—2 Timotheus 3:1, 2.
2. “Bydd y tywod poeth yn troi’n bwll dŵr.” (Eseia 35:1, 6, 7) Bydd Duw yn dad-wneud y niwed sydd wedi ei achosi gan sychder, ac yn troi’r blaned yn baradwys gyda digonedd o ddŵr.
3. “Ti’n gofalu am y ddaear, yn ei dyfrio a’i gwneud yn hynod ffrwythlon.” (Salm 65:9) Gyda bendith Duw, bydd ’na fwy na digon o fwyd da a dŵr glân ar y ddaear i bawb.
Efallai Byddwch Hefyd yn Hoffi
BYDDWCH YN WYLIADWRUS!
Tymereddau Uwch Nag Erioed ar Draws y Byd—Beth Mae’r Beibl yn ei Ddweud?
A fydd hi’n amhosib byw ar y ddaear?
ATEBION I GWESTIYNAU AM Y BEIBL
A Gaiff y Ddaear ei Dinistrio Ryw Ddydd?
Gall yr hyn y mae’r Beibl yn ei ddweud eich synnu.
DYSGEIDIAETHAU PWYSIG Y BEIBL
Pam Creodd Duw y Ddaear?
Mae ein byd yn llawn harddwch. Mae wedi ei osod ar y pellter perffaith o’r haul, mae ongl ei gogwydd yn berffaith, ac mae’n cylchdroi ar y cyflymder perffaith. Pam rhoddodd Duw gymaint o ymdrech i greu’r ddaear?
ATEBION I GWESTIYNAU AM Y BEIBL
Beth Yw Arwyddion y “Dyddiau Diwethaf” neu’r “Cyfnod Olaf”?
Rhagfynegodd y Beibl lawer o bethau a fyddai gyda’i gilydd yn arwydd o’r dyddiau diwethaf.
BYDDWCH WYLIADWRUS!
Mae’r Ddaear yn Cael ei Difetha—Beth Mae’r Beibl yn ei Ddweud?
Mae un adnod o’r Beibl yn datgelu tri pheth am y problemau amgylcheddol sy’n peryglu ein planed.
