Dydy’r term “Y Rheol Aur” ddim yn ymddangos yn y Beibl. Ond, mae llawer yn defnyddio’r term hwn i gyfeirio at reol roedd Iesu yn ei dysgu am ymddygiad. Yn ei Bregeth ar y Mynydd, dywedodd Iesu: “Dylech chi bob amser drin pobl eraill fel byddech chi’n hoffi iddyn nhw’ch trin chi.” (Mathew 7:12; Luc 6:31) Mae’r Rheol Aur hefyd wedi cael ei mynegi fel hyn: “Gwnewch i eraill fel y dymunwch i eraill wneud i chi.”

•  Beth yw ystyr y Rheol Aur?

•  Pam mae’r Rheol Aur yn fuddiol?

•  Ai derbyn yw prif bwyslais y Rheol Aur?

•  Sut gallwch chi roi’r Rheol Aur ar waith?

 Mae’r Rheol Aur yn ein hannog ni i drin eraill fel y bydden ninnau yn hoffi cael ein trin. Er enghraifft, mae’r rhan fwyaf o bobl yn gwerthfawrogi pan fydd eraill yn eu trin nhw â pharch, caredigrwydd, a chariad. Mae’n dilyn felly, y dylen ninnau drin eraill yr un fath.—Luc 6:31.

 Gall y Rheol Aur wella bron pob sefyllfa. Er enghraifft, mae’n gallu . . .

•   Cryfhau priodas.—Effesiaid 5:28, 33.

•   Helpu rhieni i fagu eu plant.—Effesiaid 6:4.

•   Hybu cyfeillgarwch rhwng ffrindiau, cymdogion, a chyd-weithwyr.—Diarhebion 3:27, 28; Colosiaid 3:13.

 Mae’r Rheol Aur yn crynhoi’r brif egwyddor sy’n sail i ran fwyaf o’r Hen Destament. Mae rheol Iesu yn “crynhoi popeth mae Cyfraith Moses [pum llyfr cyntaf y Beibl] ac ysgrifau’r proffwydi’n ei ddweud.” (Mathew 7:12) Mewn geiriau eraill, mae’r Rheol Aur yn adlewyrchu un o wirioneddau sylfaenol yr Hen Destament: cariad at gymydog.—Rhufeiniaid 13:8-10.

 Nage. Prif bwyslais y Rheol Aur yw rhoi. Pan osododd Iesu y Rheol Aur, roedd yn siarad nid yn unig am sut i drin pobl yn gyffredinol, ond sut i drin hyd yn oed ein gelynion. (Luc 6:27-31, 35) Felly mae’r Rheol Aur yn annog pobl i wneud daioni i bawb.

1.  1. Byddwch yn effro. Talwch sylw manwl i’r rhai o’ch cwmpas. Er enghraifft, efallai y byddwch yn gweld rhywun yn cael trafferth cario bagiau, yn clywed am gymydog sydd yn yr ysbyty, neu’n sylwi bod cyd-weithiwr yn ddigalon. Pan fyddwch chi’n meddwl “am bobl eraill gyntaf,” mae’n debyg y byddwch chi’n dod ar draws gyfleoedd i ddweud neu wneud rhywbeth defnyddiol.—Philipiaid 2:4.

2.  2. Dangoswch empathi. Rhowch eich hunain yn esgidiau’r person arall. Sut byddech chi’n teimlo petasech chi yn yr un sefyllfa? (Rhufeiniaid 12:15) Pan fyddwch chi’n ceisio deall teimladau pobl eraill, efallai bydd hyn yn eich cymell i’w helpu.

3.  3. Byddwch yn hyblyg. Cofiwch fod pawb yn wahanol. Efallai na fydd yr hyn y byddai eraill yn ei hoffi yr un fath â’r hyn byddech chi yn ei hoffi. Felly, allan o’r holl bethau y gallech chi eu gwneud dros eraill, ceisiwch ddewis yr un y byddan nhw’n ei werthfawrogi fwyaf.—1 Corinthiaid 10:24.