Nou travay mondyal i ganny finanse par bann kontribisyon volonter ki bann endividi ki Temwen Zeova i fer. a I annan bann bwat kontribisyon kot nou rasanble e lezot fason pour fer kontribisyon i trouve lo nou paz Donation. I annan bann diferan opsyon ki permet en dimoun swazir pour kontribye pour nou travay mondyal, bann depans lokal oubyen pour tou le de.

 Temwen Zeova pa ganny demande pour kontribye en sonm spesifik oubyen en serten poursantaz lo zot lapey sak mwan. (2 Korentyen 9:7) Nou pa pas laket oubyen fer peye pour asiste nou bann renyon. Osi, nou pa fer peye pour batenm, fineray, maryaz oubyen lezot servis relizye. Nou pa anmas larzan par vann snak, organiz bazar, zwe bingo, karnaval, dinen, lotri oubyen lezot levennman e nou pa demann bann donasyon. Nou pa zanmen pibliy lenformasyon lo sa bann ki fer donasyon. (Matye 6:2-4) Nou sit Enternet ek nou bann piblikasyon pa fer bann piblisite pour ganny larzan.

 Bann kongregasyon Temwen Zeova i lir sak mwan rapor finansyel dan zot renyon e sa i piblik. Sa bann rapor finansyel i ganny odite tou le trwa mwan pour fer sir tou keksoz i annord.​—2 Korentyen 8:20, 21.

•   Bwat kontribisyon: Ou kapab fer donasyon par met larzan oubyen tyek dan bann bwat kontribisyon kot Lasal Rwayonm, Lasal Lasanble oubyen lezot landrwa kot nou renyon i ganny fer.

•   Kontribisyon lo Enternet: Dan plizyer pei, ou kapab servi sa paz “Donate to Jehovah’s Witnesses” pour fer kontribisyon atraver kart kredi, kart labank, transfer atraver labank e lezot metod elektronik. b Serten Temwen i deside pour “met en pti keksoz dekote” sak mwan pour fer kontribisyon par servi enn parmi sa bann metod.​—1 Korentyen 16:2.

•   Planned giving: Serten donasyon i demann fer en plan davans e rod konsey legal. En tel planifikasyon davans i kapab permet ou ganny serten benefis lo taks dan ou pei. Plizyer endividi in benefisye par pli byen ganny enformen konsernan bann donasyon ki kapab ganny fer pandan ki ou vivan oubyen ki pran lefe apre lanmor. Silvouple kontakte biro brans Temwen Zeova dan ou rezyon pour plis detay si ou oule fer en donasyon ki enkli:

  •   kont labank

  •   lasirans ek gratwite

  •   stocks ek bonds

  •   testaman ek trusts

 Pour plis lenformasyon konsernan bann donasyon dan ou pei, vwar sa paz “Donate to Jehovah’s Witnesses.”