Pour nou lekter
Pour nou lekter
Sa magazin ki ou pe lir ti konmans ganny pibliye an Zilyet 1879. Keksoz in sanze depi tou sa lannen, enkli sa magazin. (Vwar portre anler.) Apartir sa nimero, ou pou trouv lezot sanzman dan format Latour Veyer. Kwa ki pou diferan?
Si ou get konteni lo paz 2 ou pou remarke ki i annan en tit, “Lir plis lo nou sit Web.” Anba sa tit i pou annan diferan size dan lezot langaz ki pou disponib zis lo sit Web www.isa4310.com. Akoz pibliy serten lartik lo Internet?
Pli ale dan bokou pei i annan plis dimoun ki kontan rod lenformasyon lo Internet. Atraver detrwa klik avek zot mouse, zot ganny nenport ki lenformasyon ki trouve zis lo Internet. Zot osi kapab lir plizyer liv, magazin ek zournal lo Internet.
Vi ki bokou dimoun i kontan lir lenformasyon lo Internet, resaman nou’n aranz nou sit Web www.isa4310.com pour fer li pli atiran e fasil pour servi. Bann dimoun ki vizit nou sit Web i kapab lir bann piblikasyon dan plis ki 430 langaz. Me an plis ki sa, zot pou kapab lir serten lartik ki nou ti abitye enprimen me ki aprezan pou aparet zis lo nou sit Web apartir sa mwan. *
Vi ki nou pou pibliy plis lartik zis lo Internet, i pou annan en edisyon piblik Latour Veyer ki pou annan 16 paz ki pou ganny pibliye tou le de mwan apartir sa nimero. I pou osi annan en edisyon letid Latour Veyer 32 paz ki pou ganny pibliye tou le mwan. Temwen Zeova pou servi sa enn edisyon pandan zot renyon dan kongregasyon. Latour Veyer i deza pe ganny pibliye dan 204 langaz. I pou aprezan posib pour tradwir sa magazin dan ankor plis langaz la ki lakantite paz in diminyen.
Nou swete ki sa sanzman pou ed nou partaz sa mesaz Labib ki sov lavi avek bokou plis dimoun. Nou determinen pour kontinyen fourni nou bann lekter ki annan respe pour Labib e ki anvi konn sa ki Labib i vreman dir, avek bann leklersisman ek lenformasyon ki pou benefisye zot, atraver bann lartik lo Internet oubyen dan magazin ki nou enprimen.
Editer
[Not anba lo paz]
^ par. 5 Parmi bann lartik ki pou aparet zis lo nou sit Web i: “For Young People,” ki donn lide bann diferan proze ki en zenn i kapab fer pour etidye Labib, ek “My Bible Lessons,” en seri lartik ki’n ganny fer pour bann paran servi avek zot zanfan ki annan trwa-z-an oubyen mwens.
[Portre lo paz 3]
[Portre lo paz 3]
LO SIT WEB
Get sa video “The Watchtower —Published Since 1879”
(Get anba NEWS/The Watchtower—No Other Magazine Comes Close)
