En Let pour Noe

“SER Noe, plizyer fwa mon’n lir lo ou dan Labib, ler ou ti konstri en lars kot ou ek ou fanmiy ti ganny sove atraver Deliz.”

Sa i fason en pti fiy 15 an apele Minnamaria ti konmans son let ler i ti partisip dan konkour konpozisyon pour bann etidyan aze 14 a 21 an. Sa konkour ti ganny organize par servis lapos Finlenn, Federasyon bann Ansennyan pour Lalang Maternel Finlenn, ek Sosyete Literatir Finlenn. Bann ki ti pe partisip dan sa konkour ti bezwen ekrir en let baze lo en liv. Zot ti pou kapab adres zot let avek sa ekriven ouswa avek en dimoun dan sa liv. Bann ansennyan ti swazir plis ki 1,400 let parmi let zot bann etidyan e anvoy kot manm ziri sa konkour. Apre, sa bann ziz ti swazir sa enn pli meyer, dis pli meyer pour dezyenm plas, e dis pli meyer pour trwazyenm plas. Minnamaria ti tre kontan ki son let ti parmi sa trwazyenm group.

Akoz Minnamaria ki en etidyan adolesan, ti adres son let pour Noe, en zonm ki ti viv apepre 5,000 lannen pase? I dir: “Labib ti premye keksoz ki ti vin dan mon lespri. Mon tre familye avek bann dimoun dan Labib. Mon’n lir sitan bokou lo zot ki konmsi pour mwan zot vivan. Mon ti swazir Noe akoz son lavi ti enteresan e diferan avek sa ki pour mwan.”

Let Minnamaria pour Noe ti fini avek sa parol: “Ou ankor en legzanp lafwa ek lobeisans. Ou fason viv i ankouraz tou dimoun ki lir Labib pour azir avek lafwa.”

Let sa zenn ki lir Labib i en bon legzanp pour montre konman Labib i vreman “vivan e i annan pisans” lo dimoun, ki swa zot zenn ouswa aze.—Ebre 4:12.

[Caption on page 32]

ESKI OU TI A KONTAN EN VIZIT?

Menm dan sa lemonn trouble ozordi, ou kapab trouv boner atraver konnesans Labib lo Bondye, son Rwayonm, ek son plan merveye pour limanite. Si ou ti a kontan plis lenformasyon oubyen ou anvi en dimoun i vizit ou kot ou lakour pour en letid Labib gratwit, ekrir Temwen Zeova, Rue Baissac, Petit Verger, Pointe aux Sables, Île Maurice, oubyen ladres apropriye lo paz 2.

[Caption on page 32]

www.watchtower.org