LESON 48
Swazir byen ou zanmi
I gou pas bann bon moman avek bann zanmi pros e ler nou dan difikilte zot ankouraz nou. Me Labib i averti nou ki pa tou dimoun ki en bon zanmi. Alor ki mannyer ou kapab swazir bann bon zanmi? Annou vwar.
1. Ki mannyer bann zanmi ki ou swazir i kapab enfliyans ou?
Nou annan sa tandans pour vin parey dimoun ki nou pas letan avek. I kapab bon pour nou ouswa move. Nou kapab pas letan avek en dimoun swa an personn ouswa atraver rezo sosyal. Labib i dir: “Sa enn ki mars avek bann ki saz pou vin saz, me sa enn ki frekant dimoun bet [bann ki pa kontan Zeova] pou ganny problenm.” (Proverb 13:20) Bann zanmi ki kontan Zeova e ador li, i kapab ed ou pour reste pros avek li e pour fer bann bon desizyon. Me ler ou annan bann zanmi pros an deor kongregasyon, sa i kapab elwanny ou avek Zeova. I pa sirprann nou alor ki Labib i ankouraz nou pour byen swazir nou zanmi! Ler nou annan zanmi ki kontan Zeova, zot pou annan en bon lenfliyans lo nou e nou osi nou pou annan en bon lenfliyans lo zot. Nou pou kapab “kontinyen ankouraz kanmarad e batir kanmarad.”—1 Tesalonisyen 5:11.
2. Ki mannyer bann zanmi ki ou swazir i fer Zeova santi?
Zeova i swazir byen son bann zanmi. “I bon zanmi avek dimoun ki fer sa ki drwat.” (Proverb 3:32) Ki mannyer Zeova pou santi si nou swazir bann zanmi ki pa kontan li? I pou vreman dezapwente! (Lir Zak 4:4.) Me Zeova pou vreman kontan si nou rezet move frekantasyon e vin pli pros avek li ek bann ki kontan li. I pou swazir nou konman enn son zanmi.—Psonm 15:1-4.
AL PLI O PROFON
Vwar akoz i sitan enportan pour byen swazir ou zanmi e ki mannyer ou kapab devlop bann lanmitye ki pou bon pour ou.
3. Vey move frekantasyon
Bann dimoun ki pa kontan Bondye ek son bann standar i bann move frekantasyon pour nou. Zwe sa VIDEO e apre reponn sa kestyon.
-
Ki mannyer nou kapab annan bann move frekantasyon san ki nou realize?
Lir 1 Korentyen 15:33 e apre reponn sa bann kestyon:
-
Ki kalite dimoun ki kapab vin en move frekantasyon pour ou? Akoz?
Lir Psonm 119:63 e apre reponn sa kestyon:
-
Ki ou devret rode dan en zanmi?
En ponm pouri i kapab gat larestan ponm. Ki mannyer en move zanmi i kapab afekte ou?
4. Dimoun ki diferan avek nou i kapab vin nou bon zanmi
Labib i koz lo de Izraelit dan letan lontan, David ek Zonatan. Zot laz ek lavi ti diferan, pourtan zot ti vin de tre bon zanmi. Lir 1 Samyel 18:1 e apre reponn sa kestyon:
-
Akoz i pa neseser pou nou zanmi annan menm laz avek nou ouswa sorti dan menm ran sosyal ki nou?
Lir Romen 1:11, 12 e apre reponn sa kestyon:
-
Ki mannyer bann zanmi ki kontan Zeova i kapab ankouraz kanmarad?
Dan sa video, gete ki mannyer en zenn frer ti fer zanmi avek en dimoun ki i pa ti ekspekte. Zwe sa VIDEO e apre reponn sa bann kestyon.
-
Dan sa video, akoz bann zanmi Akil kot lekol ti vin en konsern pour son paran?
-
Akoz i ti kontan sa bann zanmi o konmansman?
-
Ki i ti fer pour nepli santi li tousel?
5. Konman devlop bann bon lanmitye
Vwar ki mannyer pour ganny bann bon zanmi e ki mannyer ou osi an retour ou kapab vin en bon zanmi. Zwe sa VIDEO.
Lir Proverb 18:24 ek 27:17 e apre reponn sa bann kestyon:
-
Ki mannyer bann vre zanmi i ed kanmarad?
-
Ou annan bann bon zanmi koumsa ou? Si non, ki mannyer ou kapab ganny en bon zanmi?
Lir Filipyen 2:4 e apre reponn sa kestyon:
-
Pour annan bann bon zanmi, ou menm ou bezwen vin en bon zanmi. Ki mannyer ou kapab fer sa?
Pour annan bann bon zanmi, ou menm ou bezwen vin en bon zanmi
SERTEN DIMOUN I DIR: “Plito ou annan bann move frekantasyon ki ou napa zanmi ditou.”
-
Ki ou dir ou?
REZIMEN
Ler nou byen swazir nou zanmi, nou fer plezir Zeova e nou menm nou benefisye.
Revizyon
-
Akoz zanmi ki nou swazir i enportan pour Zeova?
-
Ki kalite zanmi nou devret evite?
-
Ki mannyer ou kapab swazir byen ou zanmi e devlop bon lanmitye avek zot?
FER PLIS RESERS
Vwar ki mannyer bann bon zanmi i kapab ed nou dan bann difikilte.
“Fer bann bon zanmi avan lafen i arive” (Latour Veyer Novanm 2019)
Vwar ki ou kapab fer pour ganny bann bon zanmi.
“How Can I Make Good Friends?” (Questions Young People Ask—Answers That Work Volim 1 sapit 8)
Ki ou devret konnen konsernan bann zanmi ki ou fer lo Enternet?
Dan sa zistwar “I Yearned for a Father,” gete kwa ki ti fer en msye swazir lezot kalite zanmi.
“The Bible Changes Lives” (Latour Veyer 1 Avril 2012 an Angle)
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
