LESON 12
Kwa ki pou ed ou kontinyen etidye Labib?
Etidye Labib i raport bokou byenfe. Me i pa touzour fasil. Parfwa, petet ou pou demann ou lekor si ou pou kontinyen etidye Labib. Akoz i vo lapenn fer zefor pour kontinyen? Kwa ki pou ed ou persevere malgre bann difikilte ki ou rankontre?
1. Akoz i vo lapenn etidye Labib?
“Parol Bondye i vivan e pwisan.” (Ebre 4:12) Labib i annan bokou valer akoz i montre ki Bondye i panse e santi anver ou. I pa ed ou zis pour ganny konnesans me osi sa vre lasazes ek lespwar. Pli enportan ankor, Labib i ed ou pour vin zanmi Zeova. Ler ou etidye Labib, ou pe permet li annan en lefe pozitif dan ou lavi.
2. Akoz i enportan rekonnet ki laverite dan Labib i annan bokou valer?
Sa laverite ki dan Labib i parey en trezor presye. Se pour sa ki Labib i ankouraz nou pour “aste laverite e pa zanmen vann li.” (Proverb 23:23) Ler nou gard antet valer ki laverite dan Labib i annan, nou pou fer zefor pour kontinyen etidye li, menm ler nou fer fas avek difikilte.—Lir Proverb 2:4, 5.
3. Ki mannyer Zeova i kapab ed ou kontinyen etidye Labib?
Konman ou Kreater ek Zanmi, Zeova i anvi ed ou aprann plis lo li. I kapab donn ou “sa dezir ek lafors pour azir.” (Lir Filipyen 2:13.) Alors, si parfwa ou bezwen plis motivasyon pour etidye e aplik sa ki ou aprann, i kapab ed ou. Si ou bezwen plis lafors pour sirmont bann difikilte oubyen lopozisyon, i kapab donn ou. Toultan demann Zeova led dan lapriyer pour ou kontinyen etidye Labib.—1 Tesalonisyen 5:17.
AL PLI O PROFON
Aprann ki mannyer ou kapab kontinyen etidye Labib kantmenm ou vreman okipe oubyen lezot i opoz ou. Apre, vwar ki mannyer Zeova pou ed ou pour persevere.
4. Fer ou letid Labib vin en priyorite
Parfwa nou kapab sitan okipe ki nou pa ganny letan pour etidye Labib. Kwa ki kapab ede? Lir Filipyen 1:10 e apre reponn sa bann kestyon:
-
Ki bann keksoz ki ou santi i “pli enportan” dan lavi?
-
Ki mannyer ou kapab fer ou letid Labib vin en priyorite?
-
Si ou esey ranpli en resipyan avek disab e apre azout ros, sa bann ros pa pou antre
-
Si ou met sa bann ros premye, apre ou pou annan lespas pour met preski tou disab. Pareyman, si ou met “sa ki pli enportan” premye dan ou lavi, ou pou kapab fer li e annan letan pour fer lezot keksoz osi
Etidye Labib i ed nou pour konn Bondye, ador li e vin pli pros avek Bondye. Lir Matye 5:3 e apre reponn sa kestyon:
-
Ki mannyer nou benefisye ler nou fer nou letid Labib vin en priyorite?
5. Persevere malgre lopozisyon
Parfwa, lezot i kapab dekouraz nou pour etidye Labib. Get legzanp Francesco. Zwe sa VIDEO e apre reponn sa bann kestyon.
-
Dan sa video, ki bann zanmi ek fanmir Francesco ti fer ler i ti dir zot sa ki i ti pe aprann?
-
Ki rekonpans i ti gannyen ler i ti persevere?
Lir 2 Timote 2:24, 25 e apre diskit sa bann kestyon:
-
Ki mannyer ou fanmir ek ou bann zanmi i santi konsernan sa ki ou pe aprann?
-
Dapre sa bann verse, ki ou devret fer si en dimoun pa kontan ki ou pe etidye Labib? Akoz?
6. Depan lo Zeova pour ed ou
Anmezir ou vin pli pros avek Zeova, ou pou pli anvi fer li plezir. Me i kapab difisil pour fer bann sanzman pour viv sa lavi ki Zeova i anvi nou viv. Si ou santi koumsa, pa dekouraze. Zeova pou ed ou. Zwe sa VIDEO e apre reponn sa bann kestyon.
-
Dan sa video, ki bann sanzman Jim ti fer pour fer plezir Zeova?
-
Kwa ki enpresyonn ou konsernan son legzanp?
Lir Ebre 11:6 e apre reponn sa bann kestyon:
-
Ki Zeova pou fer pour bann ki pe “vreman rod li,” setadir bann ki fer bokou zefor pour konn li e fer li plezir?
-
Ki sa i montre ou konsernan fason ki Zeova i santi ler i vwar ou fer zefor pour etidye Labib?
SI EN DIMOUN I DEMANDE: “Akoz ou pe etidye Labib?”
-
Ki ou kapab reponn?
REZIMEN
Malgre i pa toultan fasil, etidye Labib i kapab ed ou pour viv pour touzour. Kontinyen depan lo Zeova e i pou rekonpans ou.
Revizyon
-
Akoz sa laverite ki dan Labib i presye pour ou?
-
Ki mannyer ou kapab “verifye sa ki pli enportan”?
-
Akoz ou devret demann Zeova pour ed ou kontinyen etidye Labib?
FER PLIS RESERS
Vwar kat keksoz ki’n ed bokou dimoun servi byen zot letan.
“How to Invest Your Time Wisely” (Veye! Fevriye 2014 an Angle)
Vwar ki mannyer Zeova ti ed en madanm ki son msye pa ti konpran akoz i bezwen fer zefor pour fer plezir Bondye.
Gete ki mannyer en msye ti benefisye avek perseverans son madanm.
Parfwa dimoun i dir ki Temwen Zeova i kas fanmir me eski sa i vre?
“Do Jehovah’s Witnesses Break Up Families or Build Them Up?” (Lartik lo jw.org)
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
