Aramas ra kan mochen repwe wenechar, kirekiréch, me kinamwefengen me ekkewe ekkóch. Iwe nge, pwata sia kan kúkkúna féfférún akkachofesá, pwúngúngaw, me kirikiringaw? Pwóróusen fénúfan mi eniweniw a kan chéúfetál. Mei wor emén a sótun etipetipa aramas ar repwe féri minne mi ngaw?​—Álleani 1 Johannes 5:19.

Kot a itá fératá aramas nge repwe páe ngeni ar repwe féri met mi ngaw? Aapw, Jiowa Kot a féri aramas lón pwisin napanapan, pwe repwe kan mochen áppirú an tong. (Keneses 1:27; Hiop 34:10) Nge Kot a pwal ngeni aramas ewe tufich le pwisin filatá. Lupwen popuch kewe ra filatá ar repwe féri met mi ngaw, ra filatá ar resap áppirú Kot, iwe, rese chúen unuséch. Sia álemwiri seniir ewe apwangapwang le mochen féri tipis.​—Álleani Tuteronomi 32:4, 5.

Kot a mochen sipwe ú ngeni ach mochen féri met mi ngaw. (Än Salomon Fos 27:11) Ina minne, a áiti ngenikich ifa usun sipwe ttii senikich féffér mi ngaw me ifa usun sipwe kúna pwapwa mi enlet. Nge ren mwo iei, sise tongeni unuséch lón ach áppirú án Kot tong.​—Álleani Kölfel 32:8.

Inaamwo ika ewe mettóch ngaw a fókkun chéú iei, nge Kot a mut ngeni an epwe chúen nóm ren och fansoun pwe aramas meinisin repwe tongeni kúna pwúnúngawan mi alólilen. (2 Petrus 3:7-9) Iwe nge, ekiseló chék ei fénúfan epwe ur ren aramas mi pwapwa mi álleasochisi Kot.​—Álleani Kölfel 37:9-11.