Fän Iten Ekkewe Kükkün Me Säräfö

Alen Om Kopwe Ü Ngeni Sossot

JOSEF​—KINIKIN 1

Kapasen Emmwen: Föri ei lesen lon eü leeni mi kinamwe. Atun ka älleani ekkeei wokisin, anchangei pwe itä ka nom lon ena atun. Kachitoni minne a fiffis, rongorong leüwen ekkewe aramas, me meefi meefier. Ekieki pwe usun itä a wesewesen fis ewe pworaus.

Sipwe Pworaus Usun: Josef me pwülüwen Potifar we

Menlapen Pworaus: Josef a ü ngeni än pwülüwen Potifar we sossotun lisowumwääl ngeni.

1 ETITTINA MINNE A FIS.–ÄLLEANI KENESES 39:1-12.

Äweweei mwo lingemwararen imwen Potifar we atun ka anchangei.

․․․․․

Ifa usun kopwe äweweei nikinikin Josef? (Minen älillis: Älleasefäli wokisin 6.)

․․․․․

Om ekiek, ifa meefien Josef lupwen a fos ngeni pwülüwen Potifar we lon wokisin 8 me 9?

․․․․․

2 KÄEÖFICHI.

Eli met epwe ämecheresi än Josef turulong lon sossot? (Minen älillis: Älleani Filipai 2:12, me ekieki usun nonnomun Josef. Äwewe chök, lon ena atun, ia chon an we famili me chienan kewe chon fel ngeni Jiowa ra nonnom ie?)

․․․․․

Met meefiom, met popun Josef a ekieki pwe ewe föfförün lisowumwääl ina eü tipis ngeni Kot inaamwo ika lon ena atun esaamwo wor än Kot allük usun lisowumwääl? (Minen älillis: Älleani me ekilonei ekkeei wokisin: Keneses 2:24; 12:17, 18; Rom 2:14, 15; me Ipru 5:14.)

․․․․․

  3 APWÖNÜETÄ MINNE KA FEN KÄEÖ. MAKKETIW MET KA FEN KÄEÖ USUN . . .

Ifa usun engilo epwe efisi aüchean manauom?

․․․․․

Feiöchün chokkewe mi älleasochisi än Kot kewe allük.

․․․․․

Lamoten om eörenaalo le äeä om “tufichin alefila lefilen mine a öch me mine a ngau.” (Ipru 5:14)

․․․․․

PWAL EKKOCH LESEN.

Ifa usun kopwe kefiliöch atun ka ü ngeni sossotun lisowumwääl? (Minen älillis: Älleani me ekilonei Hiop 31:1; Kölfel 119:37; Efisus 5:3, 4.)

․․․․․

4 MET KA FOKKUN AÜCHEANI ME LON EI PWORAUS, IWE PWATA?

․․․․․

Ika esor noum Paipel, tingorei Chon Pwäratä Jiowa eü kapi lon fosuk Merika, are älleani woon internet lon www.watchtower.org