Jises A Fangolo Manauan Fän Iten Chommong Aramas

Jises a ereni nöün kewe chon käeö pwe a feito fönüfan esap fän iten än “aramas repwe angang ngeni, nge a feito an epwe angang ngeniir o fangala manauan fänäsengesin chomong aramas pwe möön manauer.” (Mattu 20:28) A tipemecheres le fangolo manauan pwe aramas repwe küna feiöch.

Ifa usun än Jises mälo a awora ewe möön kepich? Pwata a lamot? A fangolo manauan fän iten iö kewe? Met weween an mälo fän itom?

Chon Pwäratä Jiowa ra etiwok om kopwe fitiir me etittina pölüwen ekkeei kapas eis me ren ewe Paipel. Lon ei ier, ächechchemenien än Jises mälo epwe fis lon Oruu, March 30, mwirin tuputiwen ewe akkar. Lon ena atun, epwe katowu pölüwen ekkena kapas eis seni ewe Paipel.

Ka tongeni fiti lon ewe Kingdom Hall mi kan ngonuk. Kese mochen kopwe eisini ekkewe Chon Pwäratä Jiowa ineet me ia epwe fis ia ewe Ächechchem.