Kich meinisin a aúkúk ach fansoun fán iten ach pwisin káé. Ifa ussun sia tongeni áeáéchú ach na fansoun? Akkomw, kosap atapwalapwal. Kopwe kúna watteen feiéch ren óm káéfichi ekis pwóróus lap seni óm atapwalapwal le álleani eú watteen pwóróus.

Mwirin, filaatá met kopwe akkomwa. (Ef. 5:15, 16) Ikkeei ekkóch pesepes:

• Álleani ewe Paipel iteiten rán. (Kölf. 1:2) Ach we kókkótun álleaan Paipel fán iten ach mwiich lón weekday a fókkun éch ach sipwe néúnéú le poputááni ach álleaan Paipel iteiten rán.

• Ammólnatá ewe Káéén Leenien Mas me ewe mwiich lón weekday. Kopwe mmólnetá le uwawu meefiom.—Kölf. 22:22.

• Kopwe pwal álleani are katol met ekkewe ach mwicheich a kerán atowu, áwewe chék ren néúch kewe magazine fán iten aramas ese lifilifil, video, me ekkewe mi pwal nóm wóón jw.org.

• Kopwe káé eú pwóróus ka sani. Ka tongeni research ussun eú osukosuk mi toruk, ussun óm kapas eis, are ussun eú pwóróus lón Paipel ka mochen weweéchúti.