Paghimo daan sa mga trusses sa atop sa Residence C ginamit ang steel stud.

Mao kini ang imong makita kon motan-aw ka paamihanan atbang sa Sterling Forest Lake (Blue Lake). Trese ka crane ang dungan nga gigamit. Sa atubangan, gibuhos ang semento para sa pundasyon sa Residence B ug kini gipinisingan.

Ang mga puthaw nga sagbayan ug haligi andam nang itaod. Tungod sa maayong pagkadisenyo sa puthaw nga mga sagbayan ug haligi nga gigamit sa Offices/Services Building, dako ug luag ang salog sa bilding ug mas dali mahuman ang pagtukod.

Gitaod sa mga trabahante ang hinimo daan nga trusses sa atop, nga gihanigan ug sin ug gibutangan ug haklap ingong proteksiyon sa tubig, aron maporma ang katibuk-ang atop sa Residence C. Sa likod, dapit sa wala, gitaod ang katungang bahin sa atop.

Gitaod sa mga kontraktor ang puthaw nga mga sagbayan sa usa ka bahin sa bilding. Dinhi ibutang ang kosina, kan-anan, labhanan, ug ubang departamento.

Gitunolan ug brush ang usa ka trabahante nga nagtrabaho sa manhole.

Gigama ang usa ka modelo nga bungbong aron matino ang aktuwal nga hitsura sa pagkadugtong sa bricks, kolor sa minasa, ug bricks nga gamiton. Mao usab kini ang sundogon sa bag-ong mga mason. Dinhi, ang bungbong giguba na.

Gialsa sa crane ang ginama daan nga katungang bahin sa atop. Tungod sa bungbong nga gitaod sa kilid sa matag atop sa residence building, mas nindot ang hitsura sa bilding kon tan-awon sa layo.

Gitunton ang 95,000 ka litro (25,000 gal) nga tangke sa krudo nga gamiton sa pagpainit sa boiler.

Sa kilid sa bilding, makita ug diyutay sa hulagway ang Blue Lake. Lainlaing kolor ug klase sa palitada ang gigamit aron mas monindot tan-awon ang bilding.

Ang magtiayon nga naasayn sa plumbing nagtaod ug mga tubo sa dili pa ibuhos ang semento sa salog.

Gitangtang ang snow sa atop gamit ang pala ug blower.

Magtiayon nga nagkonsulta sa plano para sa plumbing.

Bisag nag-snow, gipadayon gihapon ang pagkalot, pagtaod sa mga buhosanan, ug ang pagbuhos ug semento. Sa ibabaw nga walang bahin sa hulagway, ang ubang parte sa Offices/Services Building giputos ug plastik nga trapal aron makontrolar ang kabugnaw sa temperatura, makabuhos gihapon ug semento, ug makataod ug materyales ingong proteksiyon sa sunog.

Ang mga trabahante nagbutang ug haklap sa mga haligi ug salog ingong proteksiyon sa umog sa dili pa itaod ang mga bungbong.

Aerial view sa kasadpang bahin. Ang mga residence building makita diha sa ibabawng bahin niini nga hulagway. Ang dakong bilding nga puti dapit sa tunga mao ang Offices/Services Building. Ang gigamit nga luna sa konstruksiyon wala ray 20 porsiyento sa gibanabanang 100 ka ektarya nga katibuk-ang gidak-on sa propidad, ug tungod niini napreserbar ang kasikbit nga kalasangan.

Aerial view sa sidlakang bahin. Ang mga bilding sa Residence C ug D makita duol sa ubos nga bahin niini nga hulagway. Sa Residence C, gitaod sa mga kontraktor ang sin aron mahuman ang atop.

Gihaklap sa karpentero ang laminado nga salog dinhi niini nga modelo nga kuwarto. Sa matag kuwarto sa residence building, usa sa upat ka pinili daan nga modelo ang gamiton. Lakip niini ang kolor sa pintal, karpet, laminado nga salog, tayls, ug mga kabinet.

Gimanomano pagpalitada ang semento sa salog aron kini dunay hustong inklinasyon paingon sa drainage.

Usa ka 77-anyos nga teknisyan nagtaod sa fiber-optic nga kable. Kon matapos na kini, mga 32 kilometros niini nga kable ang mataod.