KAYUTAAN UG KATAWHAN
Pagbisita Ngadto sa Cambodia
NAGLUTAW nga kabalayan, nagkisaw nga mga merkado, kadalanan nga punog mga motorsiklo nga gikargahag bisan unsa, sama sa buhing mga manok, repridyeretor, ug uban pa—kini maoy pipila lang sa imong makita ug madungog sa lainlaing lugar sa Cambodia.
Ang mga taga-Cambodia nailhang buotan, mahigalaon, ug suod sa usag usa. Kasagaran, sila motimbaya sa usag usa ug noy, nang, tiyo, tiya, lolo, o lola—bisag mao pay ilang paghimamat!
Dunay nagpuyo sa mga sakayan, samtang ang uban nagpuyo sa mga balay nga tag-as ug haligi o sa mga balay nga naglutaw. Duna pod silay naglutaw nga mga eskuylahan, klinika, merkado, ug gasolinahan
Daghag dragon fruit sa Cambodia
Kan-on ang pangunang pagkaon sa mga taga-Cambodia. Sagad, parisan kinig tulo o upat ka sud-an nga apilag sabaw. Paborito nila ang isda. Inigpangaon, sagad dunay mga sud-an nga tam-is, aslom, ug parat.
Mga 2,000 ka tuig kanhi, ang mga negosyante nga taga-India nga paingon sa China mohapit sa kabaybayonan sa Cambodia aron ang ilang mga panaptong seda ug mga metal pabayloag mga panakot, humot nga mga kahoy, garing, ug bulawan. Sa ngadto-ngadto, naimpluwensiyahan sa India ug China ang Cambodia mao nga mikaylap ang Hinduismo ug Budhismo. Karon, kapin sa 90 porsiyento sa mga molupyo maoy mga Budhista.
Ang mga Saksi ni Jehova nagsangyaw sa mensahe sa paglaom nga anaa sa Bibliya ngadto sa mga taga-Cambodia. Daghan ang ilang natabangan pinaagi sa librong Unsay Tinuod nga Gitudlo sa Bibliya? Kini mabatonan sa mga 250 ka pinulongan, lakip sa Cambodian.
Kapin sa 1,500 ka tawo sa Cambodia ang nagtuon sa Bibliya uban sa mga Saksi ni Jehova ug natubag ang ilang mga pangutana sama sa, “Hain ang mga patay?” ug “Unsa ang katuyoan sa Diyos alang sa yuta?”
Ang librong Unsay Tinuod nga Gitudlo sa Bibliya?, nga gipatik sa mga Saksi ni Jehova, mabatonan sa pinulongang Cambodian (makita dinhi).
Basin Ganahan Pod Ka
PAGMATA!
Pagbisita Ngadto sa New Zealand
Bisag layo ang New Zealand, moabot ug tulo ka milyong turista ang mobisita didto kada tuig. Unsay naa sa maong lugar?
PAGMATA!
Pagbisita Ngadto sa Kazakhstan
Kaniadto, ang mga Kazakh magbalhinbalhin ug puy-anan ug nagpuyo sa mga yurt. Sa unsang paagi gipakita sa ilang paagi sa pagkinabuhi karon ang ilang tradisyon kaniadto?
PAGMATA!
Pagbisita Ngadto sa Spain
Ang Spain maoy usa ka nasod sa lainlaing katawhan ug kayutaan. Kini nga nasod ang kinadaghanag popular nga pagkaon sa tibuok kalibotan.
PAGMATA!
Pagbisita Ngadto sa Kyrgyzstan
Ang mga Kyrgyz ilado sa ilang pagkamaabiabihon ug pagkamatinahoron. Unsang mga kostumbre ang nakaimpluwensiya sa ilang kinabuhi?
PAGMATA!
Pagbisita ngadto sa Liechtenstein
Nganong daghang turista ang mangadto niining gamayng nasod sa bisan unsang bulana?
PAGMATA!
Pagbisita Ngadto sa Uzbekistan
Impormasyon bahin sa Uzbekistan ug sa kasaysayan sa nausab nga alpabeto niini.
