“Palihog Hupaya Ko”

● Ang sangang buhatan sa mga Saksi ni Jehova sa Mexico nakadawat ug sulat gikan sa usa ka babaye nga nagtrabaho sa eskuylahan alang niadtong may problema sa pangisip ug mga baldado. Siya misulat: “Niadtong Mayo 9, namatay ang akong pinalanggang inahan. Naguol ako pag-ayo. Pipila ka bulan una siya mamatay, nakapanukiduki ko bahin sa kamatayon ug kon sa unsang paagi masagubang ang kaguol tungod niana, kay gikinahanglan kadto sa akong trabaho. Sa dihang namatay si Mama, nagtuo ko nga makatabang kanako ang akong nahibaloan, apan wala gayod.”

Sanglit naguol gihapon, siya miampo sa Diyos: “Palihog hupaya ko.” “Nianang gabhiona,” siya miingon, “gibasa nako ang brosyur nga Sa Dihang ang Imong Minahal Mamatay. Morag para gayod kanako ang maong brosyur. Sumala sa akong nabasahan, dili diay sayop ang paghilak. Ang seksiyon nga ‘Sa Unsang Paagi Masagubang Ko ang Akong Kaguol?’ miingon: ‘Ayawg pakamenosa ang bili sa pag-ampo. . .. Ang tabang nga gihatag sa Diyos makahimog kalainan. . .. Tinuod, ang diyosnong tabang dili makawagtang sa kasakit, apan kini makapasayon sa pag-antos niini. Kana wala magkahulogan nga dili ka na maghilak o kalimtan na nimo ang imong minahal. Apan maulian ka ra.’ Nahupay gayod ako niining mga pulonga.”

Kon ikaw o kaha ang imong higala namatyag minahal ug nagkinahanglag paghupay, kamo mahupayan pinaagi sa pagbasa sa 32-panid nga brosyur nga nag-ulohang Sa Dihang ang Imong Minahal Mamatay.

Makahangyo kag kopya niini nga brosyur pinaagi sa pagpil-ap sa kupon sa ubos ug sa pagpadala niini sa adres nga makita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa brosyur nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.