Gidisenyo ba Kini?

Mata nga Daghag Lente

◼ “Hingpit nga pagkalut-od-lut-od ang mga lente sa mata.” Mao kanay paghubit ni Propesor Luke Lee sa University of California, U.S.A., sa mata sa mga insekto nga daghag lente.

Hunahunaa: Ang mata sa pipila ka insekto, sama sa putyokan ug sa alindahaw, daghag lente nga ang matag usa ka lente motutok sa nagkalainlaing direksiyon. Busa makita sa mata ang tanang anggulo, nga makaalinggat dayon ug kisaw.

Ang mga siyentipiko nanukiduki sa pagsundog sa mata niining mga insektoha aron makahimog nipis kaayong kamera nga makakuhag paspas kaayo nga lihok ug makapokus sa bisan unsang anggulo. Magamit kini sa lainlaing paagi. Pananglitan, mahimo kining gamiton diha sa medisina, sama sa pag-eksamin sa tiyan. Kining giplano nga aparato gitawag ug “gamayng sistema” nga ipatulon sa pasyente. Sa makasulod na sa tiyan, ang aparato magkuhag impormasyon pinaagi sa mga lente niini.

Usa ka grupo sa mga inhenyero sa biolohiya nakahimo nag artipisyal nga mata nga dunay kapin sa 8,500 ka lente, ug kini dako lag diyutay sa ulo sa dagom. Apan, kini nga teknolohiya wala ra sa kumingking kon itandi sa mata sa mga insekto nga daghag lente. Pananglitan, ang alindahaw dunay 30,000 ka lente sa matag mata!

Unsay imong hunahuna: ‘Kini bang katingalahang mata sa mga insekto nga daghag lente sulagma lang nga mitungha? O kini gidisenyo?’

[Hulagway sa panid 26]

Gipadak-ang hulagway sa usa ka seksiyon sa mata sa putyokan nga daghag lente

[Picture Credit Lines sa panid 26]

Background: © Stephen Dalton/​Photo Researchers, Inc.; close-up: © Raul Gonzalez Perez/Photo Researchers, Inc.