Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik diha sa panid 22. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Kinsa ang hataas nga saserdote sa dihang si Samuel nahimong manalagna? (1 Samuel 3:10-13)

2. Unsay Amorihanong ngalan sa Bukid sa Hermon? (Deuteronomio 3:9)

3. Kinsay gikuha ni Abraham ingong ikaduhang asawa, ug pilay ilang anak nga lalaki? (Genesis 25:​1, 2)

4. Nganong ang bag-ong bino dili gayod ibutang sa daang panit nga mga sudlanag bino? (Lucas 5:37)

5. Unsay nahitabo sa espada nga gigamit ni Ehud sa pagpatay sa madaogdaogon nga Haring Eglon sa Moab? (Maghuhukom 3:16-22)

6. Nganong si Jesus gitawag nga “Pangulong Ahente sa kinabuhi”? (Buhat 3:15; 4:12)

7. Nganong sa absolutong diwa si Jehova lamang ang matawag nga hingpit? (2 Samuel 22:31; Marcos 10:18)

8. Mahitungod sa halad nga mga mananap, ngano man nga “ang tanang tambok iya ni Jehova”? (Levitico 3:9-16)

9. Unsang kusgan nga langgam nga mangdadagit ang ilado sa pagkalayog abot sa panan-aw niini? (Job 39:​27, 29)

10. Unsang titulo ang gigamit diha sa Bibliya sa pagtumong kang Jehova, sa uban nga ginasimba, ug sa mga tawo? (Exodo 7:1)

11. Pinaagi kang kinsa nga manalagna nga si Jehova nagtagna kon sa unsang paagi mabahin ang gingharian ni Solomon? (1 Hari 11:29-32)

12. Sa dihang nag-ilustrar kon sa unsang paagi gitinguha niya ang pagtigom sa walay-pagsanong nga katawhan sa Jerusalem, unsang binuhi nga fowl ang gihisgotan ni Jesus? (Lucas 13:34)

13. Unsay gitawag ni Jesus nga “lampara sa lawas”? (Mateo 6:22)

14. Si Daniel gipasaligan nga ang tagna masabtan sa unsang yugto sa panahon? (Daniel 12:4)

15. Sa unsang paagi si Pablo nakaikyas gikan sa mga Hudiyo sa Damasco nga naglaraw sa pagpatay kaniya? (Buhat 9:25)

16. Unsay ‘nagpahisalaag sa pipila gikan sa pagtuo’ ug naghatag kanila ug “daghang kasakitan”? (1 Timoteo 6:10)

17. Sa sugo ni Jehova, pila ka espiya ang gipadala ni Moises ngadto sa Canaan, ug kinsa lamang ang adunay maayong taho? (Numeros 13:2; 14:​6-9)

18. Kinsa ang Cesar, nga gihisgotan diha sa Buhat 25:​11, kang kinsa si Pablo miapelar sa dihang gihusay atubangan ni Festo?

 Mga Tubag sa Pasulit

1. Si Eli

2. Senir

3. Si Ketura; unom

4. Tungod kay sa dihang moaslom na ang bino, masisi ang daan, dili malubaylubay nga panit nga mga sudlanan

5. Si Eglon tambok kaayo nga ang tibuok espada midulot sa sulod sa iyang tiyan

6. Tungod kay “walay kaluwasan diha kang bisan kinsa pang lain.” Pinaagi kang Jesus, gitagana ang lukat, ug siya ang tinudlong Maghuhukom

7. Si Jehova lamang ang walay limitasyon, way-ikatandi sa iyang pagkamaayo, takos sa tanang pagdayeg, ug ang kinalabwan sa iyang talagsaong mga hiyas ug gahom

8. Giisip ingong kinatambokang parte sa unod sa mananap, kini nagsimbolo sa kamatuoran nga ang kinamaayohang mga bahin iya ni Jehova

9. Ang agila

10. Diyos

11. Si Ahias

12. Usa ka himungaan

13. Ang mata

14. “Sa panahon sa kataposan”

15. Sa gabii ang iyang mga tinun-an nagtunton kaniya diha sa usa ka bukag agi sa usa ka gawang sa paril sa siyudad

16. “Ang gugma sa salapi”

17. Napulog-duha; sila si Josue ug Caleb

18. Si Nero