“Tugob Kaayo sa Kahulogan”

KINI nga komento bahin sa mga hulagway diha sa mga basahon sa mga Saksi ni Jehova gisulti didto sa usa ka internasyonal nga pasundayag sa arte sa Kassel, Alemanya. Gisaysay sa 16-anyos nga si Katja ang nahitabo sa dihang siya ug iyang mga isigkaestudyante miadto sa pasundayag ug nagtan-aw sa pipila ka relihiyosong mga buhat sa arte:

“Ang among giya nangutana sa mga estudyante kon nakatan-aw na sila sukad ug mga magasin sa mga Saksi ni Jehova. Sa dihang ang tanan nag-ingon nga wala, nagsugod siya sa pagdayeg sa mga ilustrasyon diha sa Ang Bantayanang Torre ug Pagmata! Siya miingon nga ang mga hulagway maayo kaayong pagkadibuho ug ang mga letrato maayong pagkapili ug nga kini ‘tugob kaayo sa kahulogan.’

“Gisugyotan niya kami sa pagtan-awg maayo niining makaiikag nga mga hulagway,” nga nag-ingon nga ang modernong estilo nga gigamit sa paghulagway sa mga hitabo sa Bibliya nagpasayon sa pagkakita sa kapadapatan niini sa atong panahon. Dayon iyang giawhag ang mga estudyante sa pagdawat sa mga magasin kon tanyagan sila, nga nag-ingon nga dili lang igong motan-aw sa mga hulagway kondili mobasa usab sa matulon-anon kaayo ug makaiikag nga mga artikulo.