Usa ka Basahon Alang sa mga Batan-on

Usa ka estudyante sa usa ka unibersidad sa Arkhangelsk nagsulat ngadto sa sangang buhatan sa mga Saksi ni Jehova sa Rusya. Gipatin-aw niya nga nakadawat siyag magasin nga gipatik sa mga Saksi gikan sa usa ka tawo diha sa karsada. “Kadto nakapahunahuna kanako bahin sa kinabuhi ug kon unsay akong nahibaloan bahin sa Diyos ug sa relihiyon,” siya misulat. “Karon gusto kong magtuon sa Bibliya. Gusto kong makakat-on pag dugang bahin sa persona kinsa, wala gani makaila ni bisan kinsa kanato, naghatag sa iyang kinabuhi alang sa atong mga sala ug sa atong kaluwasan.”

Ang iyang sulat nagpadayon: “Gihimo ninyo ang gikinahanglan kaayong buluhaton, ilabina pinaagi sa pagpatin-aw ngadto sa mga bata sa kalainan tali sa maayo ug daotan. Kon buot hunahunaon, sila nahisamag mga espongha, nga magsuhop sa bisan unsa sa ilang palibot ug dayon mohimog mga kausaban aron makapahiuyon niana.” Ang maong estudyante adunay manghod nga lalaki ug babaye, ug mihangyo siyag usa ka kopya sa librong Mga Pangutanang Gisukna sa mga Batan-on​—Mga Tubag nga Mosaler. “Naglaom ako nga motabang kini kanila diha sa eskuylahan ug sa kinabuhi sa katibuk-an,” matod niya.

Ikaw usab makabaton ug kopya sa maong libro, nga gidisenyo ilabina sa pagtabang sa mga batan-on sa mga problema nga ilang ginasagubang karon. Pil-api lang ang nagaubang kupon ug ipadala kana ngadto sa adres nga makita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong Mga Pangutanang Gisukna sa mga Batan-on​—Mga Tubag nga Mosaler.

□ Palihog kontaka ako mahitungod sa usa ka libreng pagtuon sa Bibliya sa balay.