Nahibalo Ka Ba?

(Ang mga tubag niining maong pasulit makita diha sa mga teksto sa Bibliya nga gisitar, ug ang kompletong lista sa mga tubag gipatik diha sa panid 20. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Sa dihang “nangita ug higayon batok sa mga Filistehanon,” kinsay gipili ni Samson nga mahimong iyang asawa? (Maghuhukom 14:1-4)

2. Sumala sa gisaysay ni Jesus, kon ang usa ulipon sa Diyos, dili siya mahimong ulipon sa unsa sa samang higayon? (Lucas 16:13)

3. Kinsang katigulangan sa Mesiyas ang nabana ni Ruth? (Ruth 4:13)

4. Unsang paglitok sa balaang ngalan ang gipaboran sa Hebreohanong mga eskolar?

5. Tungod sa tumang pagkadaotan ni Jezebel, unsay gitagna ni Jehova maylabot kaniya? (1 Hari 21:23)

6. Alang sa unsang katuyoan nga gipalit ni Abraham ang langob sa Makpela gikan sa “mga anak ni Het”? (Genesis 23:​19, 20)

7. Unsang mga pulong, nga sa orihinal nagkahulogag paglulho sa taas nga besti alang sa pisikal nga kalihokan, ang gigamit sa Kasulatan nga nagpasabot ug pag-andam alang sa bug-os nga mental o espirituwal nga kalihokan? (Job 38:3)

8. Kinsang anak ni Adan ug Eva ang natawo sa dihang 130 anyos si Adan? (Genesis 5:3)

9. Kinsay nakasala nga tungod niana napildi diha sa Ai ang Israel? (Josue 7:20)

10. Unsay tawag sa unang porma sa korona kaniadto? (2 Hari 11:12)

11. Sanglit si Maria dili makaarang sa pagtanyag ug laking karnero ingong halad human sa pagkatawo ni Jesus, unsay gitugot sa Balaod nga mahimo niyang itanyag? (Lucas 2:24)

12. Giunsa pagpailaila ni Pablo ang iyang kaugalingon sa kadaghanan sa iyang dinasig nga mga sulat? (Efeso 1:1)

13. Sa pagpaningkamot sa pagpasurender sa mga Hudiyo, nganong ang mga pagbiaybiay sa Asiryanhong Haring Senakerib mapanghimaraoton gayod para kang Ezequias? (Isaias 36:​14, 15, 18-​20)

14. Diin si apostol Pablo sa dihang iyang nadawat ang sugo: “Dali ngari sa Macedonia ug tabangi kami?” (Buhat 16:​8, 9)

15. Nganong gibadlong ni Hanani nga manalagna ang buotang Haring Asa sa Juda human nga siya nagmando nga matinumanon sa daghang tuig? (2 Cronicas 16:7)

16. Sumala kang Jesus, unsa ka dugay nga ang usa magpabiling matinumanon aron maluwas? (Marcos 13:13)

 Mga Tubag sa Pasulit

1. Usa ka Filistehanong babaye gikan sa Timnah

2. Mga bahandi

3. Boaz

4. Yahweh

5. “Ang mismong mga iro mokaon kang Jezebel”

6. Aron himoong lubnganan sa iyang asawa nga si Sara

7. “Baksi ang imong hawak”

8. Set

9. Acan

10. Diadema

11. “Usa ka paris nga tukmo o duha ka piso nga salampati”

12. Ingong usa ka apostol ni Kristo Jesus

13. Tungod kay si Senakerib nanghambog nga walay mahimo si Jehova, sama usab sa mga diyos sa mga nasod nga napukan na

14. Sa Troas, pantalan sa Asia Minor

15. Tungod kay niadtong panahona, sa wala mahibaloing hinungdan, si Haring Asa nakig-alyansa sa hari sa Sirya imbes nga mosalig kang Jehova

16. “Hangtod sa kataposan”