‘Lagmit Naluwas Niini ang Akong Kinabuhi!’

“WALA ra kaayo nako tagda ang mga simtoma,” misaysay si Claus, nga nakasinatig kapunga sulod na sa pipila ka semana. Apan dihay nahitabo nga nakapausab sa iyang hunahuna.

“Akong gitipigan ang nanglabayng mga isyu sa Ang Bantayanang Torre ug Pagmata! diha sa lamesa tupad sa akong kama,” asoy pa ni Claus. “Usa ka gabii niana sulagmang nakuha nako ang Pagmata! nga Marso 22, 2001, ug sa wala tuyoa akong napakli ang artikulong ‘Ang Makapahinganghang Sistema sa Sirkulasyon.’ Sa akong pagbasa sa artikulo, nasabtan dayon nako nga ang akong mga simtoma parehas sa mga ilhanan sa sakit nga angina.”

Nagpahiling dayon si Claus sa klinika diha sa iyang lugar, ug nakita sa mga pagsusi nga barado ang mga arteriya sa iyang kasingkasing. Ang pagtambal gisugdan dayon. Giingnan si Claus sa doktor nga bulahan siya, kay ang iyang kahimtang, kon wala dayon matambali, mahimong mosangpot sa pag-atake sa kasingkasing nga lagmit gayong makamatay. Si Claus misulat sa mga magpapatik niining magasina: “Lagmit naluwas sa Pagmata! ang akong kinabuhi!”

Ang Pagmata! dili lang kay nagpasiugda sa kahibulongang mga butang sa kalalangan sama sa pag-obra sa lawas sa tawo. Sa panid 4 niining magasina, ang katuyoan sa Pagmata! gipresentar: “Labing bililhon, kining magasina mougmad sa pagsalig sa saad sa Maglalalang sa makigdaiton ug may-kasegurohang bag-ong kalibotan.”

Nahiuyon sa maong katuyoan, gitagana ang brosyur nga nag-ulohang Unsa ang Katuyoan sa Kinabuhi? Sa Unsang Paagi Makaplagan Nimo Kini? Makahangyo kag kopya pinaagi sa pagpil-ap sa nagaubang kupon ug pagpadala niini sa adres nga gipakita diha sa kupon o sa nahiangay nga adres nga gilista sa panid 5 niining magasina.

□ Interesado ako nga makadawat ug kopya sa brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini?

Ipaila kon unsang pinulongan.

□ Palihog kontaka ako mahitungod sa usa ka libreng pagtuon sa Bibliya sa balay.