Unsay Giingon sa Bibliya?
Duna bay ngalan ang Diyos?
ANG UBAN NAG-INGON nga wala siyay ngalan, duna poy miingon nga Diyos o Ginoo ang iyang ngalan, ug para sa uban daghan siyag ngalan. Unsay imong hunahuna?
ANG GIINGON SA BIBLIYA
“Ikaw, kansang ngalan mao si Jehova, ikaw lamang ang Labing Hataas ibabaw sa tibuok nga yuta.”—Salmo 83:18.
UNSA PAY ATONG MAKAT-ONAN SA BIBLIYA?
Bisag daghag titulo ang Diyos, usa lang ang iyang ngalan.—Exodo 3:15.
Ang Diyos dili misteryo; gusto niya nga mailhan nato siya.—Buhat 17:27.
Ang unang paagi para mahimo tang higala sa Diyos mao ang pag-ila sa iyang ngalan. —Santiago 4:8.
Sayop ba nga gamiton ang ngalan sa Diyos?
UNSAY IMONG TUBAG?
Oo
Dili
Depende
ANG GIINGON SA BIBLIYA
“Dili ka magagamit sa ngalan ni Jehova nga imong Diyos sa walay kapuslanan.” (Exodo 20:7) Ang sayop mao ang paggamit sa ngalan sa Diyos sa dili matinahorong paagi.—Jeremias 29:9.
UNSA PAY ATONG MAKAT-ONAN SA BIBLIYA?
Nahibalo si Jesus sa ngalan sa Diyos ug naggamit niini.—Juan 17:25, 26.
Giawhag ta sa Diyos nga sangpiton nato siya sa iyang ngalan.—Salmo 105:1.
Gipaningkamotan sa mga kaaway sa Diyos nga malimtan sa mga tawo ang iyang ngalan.—Jeremias 23:27.
Basin Ganahan Pod Ka
IMPORTANTENG GITUDLO SA BIBLIYA
Duna bay Ngalan ang Diyos?
Ang Diyos daghag titulo, sama sa Labing Gamhanan, Maglalalang, ug Ginoo. Apan ang ngalan sa Diyos makita kapig 7,000 ka beses diha sa Bibliya.
TUBAG SA MGA PANGUTANA BAHIN SA BIBLIYA
Daghan bag Ngalan ang Diyos?
Daghay nagtuo nga ang ‘Allah,’ ‘Alfa ug Omega,’ ‘El Shaddai,’ ug ‘Jehova-Jireh’ maoy mga ngalan sa Diyos. Nganong importanteng masayran kon unsa gyoy ngalan sa Diyos?
TUBAG SA MGA PANGUTANA BAHIN SA BIBLIYA
Jesus ba ang Ngalan sa Diyos?
Wala gayod moingon si Jesus nga siya ang Diyos nga Labing Gamhanan. Ngano man?
ANG BANTAYANANG TORRE
