Salmo 71:1-24
71 Midangop ko kanimo, Oh Jehova.
Hinaot dili ko maulawan.+
2 Pinaagi sa imong pagkamatarong luwasa ko.
Ikiling ang imong igdulungog* kanako ug luwasa ko.+
3 Hinaot mahimo kang kuta nga bato alang kanakoNga kanunay nakong madangpan.
Pagsugo nga luwason ko,Kay ikaw ang akong dakong bato ug salipdanan.+
4 Oh akong Diyos, luwasa ko gikan sa kamot sa daotan,+Gikan sa kamot sa pintas nga tigdaogdaog.
5 Kay ikaw ang akong paglaom, Oh Soberanong Ginoong Jehova;Misalig ko kanimo* sukad sa akong pagkabatan-on.+
6 Misalig ko kanimo sukad sa akong pagkatawo;Ikaw ang nagkuha kanako gikan sa tagoangkan sa akong inahan.+
Kanunay ka nakong gidayeg.
7 Alang sa daghan, nahisama kog milagro,Apan ikaw ang akong lig-ong dangpanan.
8 Ang akong baba punog pagdayeg kanimo;+Tibuok adlaw kong naghisgot sa imong pagkahalangdon.
9 Ayaw kog isalikway dihang matigulang na ko;+Ayaw kog biyai dihang luya na ko.+
10 Ang akong mga kaaway nagsulti batok kanako,Ug kadtong mga nagtinguha sa pagpatay kanako nagkunsabo,+
11 Nga nag-ingon: “Gibiyaan siya sa Diyos.
Gukda siya ug dakpa, kay walay moluwas kaniya.”+
12 Oh Diyos, ayaw pagpabiling layo kanako.
Oh akong Diyos, tabangi dayon ko.+
13 Hinaot kadtong mga nagabatok kanakoMaulawan ug mangalaglag.+
Hinaot kadtong mga nagtinguha nga makaagom kog katalagmanMapunog pagtamay ug kaulawan.+
14 Apan alang kanako, padayon kong maghulat;Dugangan pa nako ang pagdayeg kanimo.
15 Sa tibuok adlaw ang akong baba mopahayag sa imong pagkamatarong+Ug sa imong mga buhat sa pagluwas,Bisag dili nako kini mahibaloan* tanan sa kadaghan.+
16 Molakaw ko ug mosulti bahin sa imong gamhanang mga buhat,Oh Soberanong Ginoong Jehova;Hisgotan nako ang imong pagkamatarong, ang imo lamang.
17 Oh Diyos, gitudloan ko nimo sukad pa sa akong pagkabatan-on,+Ug hangtod karon padayon nakong gipahayag ang imong katingalahang mga buhat.+
18 Bisan dihang ako matigulang ug ubanon na, Oh Diyos, ayaw kog biyai.+
Tugoti kong isulti sa sunod nga kaliwatan ang bahin sa imong gahom*Ug bahin sa imong pagkagamhanan ngadto sa tanan nga moabot.+
19 Ang imong pagkamatarong, Oh Diyos, sangko sa kahitas-an;+Naghimo kag dagkong butang;Oh Diyos, kinsa ang sama kanimo?+
20 Bisag gitugotan nimo nga makasinati kog daghang kasakitan ug katalagman,+Imo unta kong lig-onon pag-usab;Haw-asa ko gikan sa kahiladman* sa yuta.+
21 Hinaot himoon ko nimong mas dungganonUg panalipdi ko ug hupaya.
22 Unya dayegon ka nako pinaagig dekuwerdas nga instrumentoTungod sa imong pagkamatinumanon, Oh akong Diyos.+
Mag-awit kog mga pagdayeg kanimo* pinaagi sa alpa,Oh Balaang Usa sa Israel.
23 Ang akong mga ngabil maghugyaw sa kalipay samtang nag-awit kog mga pagdayeg kanimo,+Kay giluwas nimo ang akong kinabuhi.+
24 Sa tibuok adlaw ang akong dila magsulti bahin* sa imong pagkamatarong,+Kay kadtong mga nagtinguha sa akong kalaglagan maulawan.+
Mga Footnote
^ O “Yuko ug pamati.”
^ O “Ikaw ang akong pagsalig.”
^ O “maihap.”
^ Literal, “bukton.”
^ O “lawom nga katubigan.”
^ O “Mag-awit ko kanimo nga dinuyogag musika.”
^ O “mamalandong.”
