Proverbio 17:1-28
17 Mas maayo pa ang uga nga tinapay apan naay kalinaw*+Kay sa balay nga pirme ang kombira* pero sigeg away.+
2 Ang alagad nga lawom ug pagsabot magmando sa anak nga makauulaw ug binuhatan;Makakuha siyag panulondon parehas sa mga anak sa iyang agalon.
3 Ang tunawanan nga kulon maoy para sa plata ug ang hudno para sa bulawan,+Apan si Jehova ang tigsusi sa mga kasingkasing.+
4 Ang tawong daotan maminaw sa sakit nga sinultihan,Ug ang tawong malimbongon mamati sa makadaot nga sinultihan.+
5 Kadtong nagtamay sa pobre nag-insulto sa iyang Magbubuhat,+Ug kadtong malipay sa katalagman sa uban masilotan gayod.+
6 Ang mga apo korona sa mga tigulang,Ug ang mga amahan* himaya sa ilang mga anak.
7 Ang maayong* sinultihan dili angay sa buangbuang.+
Labaw nang dili angay sa magmamando* ang bakak nga sinultihan!+
8 Ang regalo samag bililhong bato* sa tag-iya niini;+Bisan asa siya moadto, molampos siya.+
9 Kadtong nagapasaylo* sa kalapasan nagpakitag gugma,+Apan kadtong magsigeg hisgot niini magpabulag sa suod nga managhigala.+
10 Ang pagbadlong mas lawom ug dulot sa tawong may pagsabot+Kay sa pagbunal ug usa ka gatos ka beses sa tawong buangbuang.+
11 Ang tawong daotan pagrebelde ray gihunahuna,Apan ang way kaluoy nga mensahero ipadala aron silotan siya.+
12 Mas maayo pang makatagbog oso nga namatyag mga anakKay sa makatagbog tawong naghimog kabuangan.+
13 Kon ang usa mobalos ug daotan sa maayo,Ang daotan dili mohawa sa iyang balay.+
14 Ang pagsugod ug away samag pag-ablig ganghaan sa tubig;*Sa dili pa modako ang away, biya na.+
15 Kadtong mohukom nga way sala ang daotan ug kadtong mohukom nga sad-an ang matarong+—Silang duha gidumtan ni Jehova.
16 Unsay kaayohan kon ang buangbuang naa untay paagi sa pagkuhag kaalamApan wala kini tinguhaa sa iyang kasingkasing?*+
17 Ang tinuod nga higala magpakitag gugma sa tanang panahon+Ug siya igsoon nga masaligan panahon sa kalisdanan.+
18 Ang tawong dili maayog panghunahuna* makiglamano ug mouyonNga garantiyahan ang utang sa uban atubangan sa iyang isigkatawo.+
19 Ang ganahang makig-away nahigugma sa pagpakasala.+
Kadtong nagpataas sa iyang entrada nangitag katalagman.+
20 Kadtong balikog kasingkasing dili molampos,*+Ug kadtong malimbongon ug sinultihan malaglag.
21 Ang amahan sa batang buangbuang makasinatig kagul-anan;Ug ang amahan sa batang way buot walay kalipay.+
22 Ang malipayong kasingkasing maayo nga tambal,*+Apan ang dugmok nga espiritu makahurot sa kusog.*+
23 Ang tawong daotan sekretong modawat ug hiphipAron tuison ang hustisya.+
24 Ang kaalam naa mismo atubangan sa tawong may katakos sa pag-ila,Apan ang mga mata sa buangbuang naglatagaw bisan asa.+
25 Ang anak nga buangbuang makapaguol sa iyang amahanUg sakit sa dughan* sa nanganak niya.+
26 Dili maayong silotan* ang matarong,Ug dili husto nga kastigohon ang mga halangdon.
27 Ang tawong may kahibalo magpugong sa iyang mga pulong,+Ug ang tawong may katakos sa pag-ila magpabiling kalmado.*+
28 Bisan ang buangbuang nga magpakahilom isipong maalamon,Ug siya nga nagtak-om sa iyang baba isipong may katakos sa pag-ila.
Mga Footnote
^ Literal, “punog mga halad.”
^ O “kahilom.”
^ O “ginikanan.”
^ O “matul-id nga.”
^ O “tawong halangdon.”
^ O “maoy bato nga moresultag pag-uyon.”
^ Literal, “nagatabon.”
^ O “pag-ablig dam.” Literal, “pagpabuhagay ug tubig.”
^ O “Apan wala siyay maayong panghukom?”
^ Literal, “nakulangan ang kasingkasing.”
^ Literal, “dili makakitag maayo.”
^ O “makaayo.”
^ O “makauga sa kabukogan.”
^ Literal, “kapaitan.”
^ O “pamultahon.”
^ Literal, “bugnaw ug espiritu.”
