Job 24:1-25
24 “Nganong ang Labing Gamhanan wala man magtakdag panahon?+
Nganong kadtong mga nakaila kaniya dili makakita sa iyang adlaw?*
2 Isibog sa mga tawo ang mga mohon;+Sila mangawat ug mga karnero alang sa ilang sibsibanan.
3 Ilang abogon ang asno sa mga batang wala nay amahanUg ilogon ang torong baka sa babayeng balo ingong garantiya sa utang.+
4 Dili nila tugotan ang mga kabos bisan sa pag-agi sa dalan;Ang mga walay mahimo kinahanglang motago gikan kanila.+
5 Ang mga kabos mangitag pagkaon sama sa ihalas nga mga asno+ diha sa kamingawan;Sila mangitag pagkaon sa desyerto alang sa ilang mga anak.
6 Sila kinahanglang mangani sa laing uma*Ug manghagdaw sa ubasan sa daotan.
7 Sila magpalabay sa kagabhion nga hubo;+Sila walay bisan unsang ikatabon alang sa katugnaw.
8 Sila mangahumod sa ulan sa kabukiran;Sila modangop sa dagkong bato kay wala silay kasilongan.
9 Ang bata nga wala nay amahan sakmiton gikan sa dughan sa iyang inahan;+Ug ang besti sa mga kabos kuhaon ingong garantiya sa utang,+
10 Sila pugson sa paglakawlakaw nga walay bestiUg gigutom, samtang sila nagpas-an ug binangan nga mga uhay.
11 Sila magtrabaho diha sa pinarilang mga luna ilalom sa kainit sa adlaw;*Sila magtamaktamak ug mga ubas diha sa mga pug-anan, apan sila uhawon.+
12 Ang himalatyon nag-agulo diha sa siyudad;Ang grabeng nasamdan nagtuaw alang sa tabang,+Apan ang Diyos wala ra magpakabana niini.*
13 Dunay mga nagsalikway sa kahayag;+Sila wala moila sa mga dalan niini,Ug wala magsubay sa mga agianan niini.
14 Ang mamumuno mobangon pagkabanagbanag;Iyang patyon ang mga walay mahimo ug ang mga kabos,+Ug sa magabii siya mangawat.
15 Ang mata sa mananapaw nagpaabot sa kilumkilom,+Nga nagaingon, ‘Walay makakita kanako!’+
Ug iyang tabonan ang iyang nawong.
16 Dihang ngitngit na, sila manglungkab* sa kabalayan;Sa maadlaw sila manago.
Sila molikay sa kahayag.+
17 Kay alang kanila, ang kabuntagon samag bagang kangitngit;Sila sinati sa makahahadlok nga mga butang diha sa bagang kangitngit.
18 Apan sila tulin nga anoron sa katubigan.*
Ang ilang bahin sa yuta pagatunglohon.+
Sila dili na mobalik sa ilang mga ubasan.
19 Sama nga lamyon sa hulaw ug sa kainit ang natunaw nga niyebe,Lamyon usab sa Lubnganan* kadtong mga nakasala!+
20 Ang iyang inahan* makalimot kaniya; ang ulod lamian kaayong mokaon kaniya.
Siya dili na gayod mahinumdoman.+
Ug ang mga dili matarong balion samag kahoy.
21 Iyang biktimahon ang babayeng baog,Ug daogdaogon ang babayeng balo.
22 Gamiton sa Diyos* ang iyang kusog sa pagwagtang sa mga gamhanan;Bisan pag molambo sila, walay kasegurohan nga sila mabuhi.
23 Gitugot sa Diyos* nga sila magmasaligon ug may kasegurohan,+Apan nakita sa iyang mga mata ang tanan nilang ginahimo.*+
24 Sila ituboy sa makadiyot, ug unya sila mahanaw.+
Sila ipaubos+ ug tigomon sama sa ubang tawo;Sila pamutlon samag mga uhay.
25 Karon kinsay makapamatuod nga ako bakakonO makapanghimakak sa akong giingon?”
Mga Footnote
^ Iyang adlaw sa paghukom.
^ O posible, “manguhag kompay diha sa uma.”
^ O posible, “Sila magpugag lana diha sa pinarilang mga luna.”
^ O posible, “walay usa nga giisip sa Diyos ingong sad-an.”
^ Literal, “mangubkob.”
^ Literal, “Siya tulin ibabaw sa katubigan.”
^ Literal, “Ang tagoangkan.”
^ Literal, “niya.”
^ Literal, “niya.”
^ Literal, “dalan.”
