Si Jesus wala magsugo sa iyang mga sumusunod nga manganak o dili manganak. Ang mga tinun-an ni Jesus wala usab magsugo niana. Walay mabasa sa Bibliya nga gidili ang pagpilig mga paagi sa pagpugong sa pagmabdos (birth control). Bahin niini, ang prinsipyo sa Roma 14:12 mapadapat: “Ang matag usa kanato manubag alang sa iyang kaugalingon ngadto sa Diyos.”

 Busa ang mga magtiayon maoy modesisyon kon manganak ba sila o dili. Sila poy modesisyon kon pilay gusto nilang anak o kon kanus-a sila manganak. Kon ang magtiayon mogamit ug kontraseptibo aron dili mamabdos, ila kanang personal desisyon ug responsabilidad. Dili sila angayng hukman.—Roma 14:4, 10-13.