Niadtong tuig 2000, gipatuman sa Taiwan ang programang alternative civilian service nga magtugot sa mga conscientious objectors sa pagtuman sa ilang obligasyon sa nasod nga dili lapason ang diktar sa ilang konsiyensiya. Ubos niini nga kahikayan, kadtong modumili sa pagserbisyo sa militar tungod sa ilang konsiyensiya makapili sa pagserbisyo diha sa mga ospital, nursing homes, ug sa ubang dapit diha sa katilingban. Malamposon kaayo ang programa nga nakabenepisyo sa katilingban sa Taiwan ug sa mga conscientious objectors, kinsa dili na mapriso tungod sa ilang neyutral nga baroganan.

Gipakita niini nga video kon giunsa pagpatuman sa Taiwan ang programang alternative civilian service, ang tubag sa kasagarang mga pangutana niadtong misupak niini nga probisyon, ug ang mga obserbasyon niadtong nalangkit. Si Mr. Kou-Enn Lin, direktor heneral sa National Conscription Agency, miingon: “Maayo untag moari [sa Taiwan] ang ubang mga nasod aron makakat-on gikan sa among eksperyensiya.”