“Mén mèn lo . . . seʼ à nefà yôg se ndoʼ ntshuʼ benntùn yàm yi.”​—Matio 20:28

Numke a bètte bo tshuʼ ben à?

• Netoʼde 3:17-19

  Ngelañ ze Adam naʼ nta tu Nsi là, a bi ze tumlàm kushun bo Yaweh Nsi, mbi yôg se nelàn, mbèn mbi Paradis num nsitshaʼa.

• Roma 5:12

  Ntshùade njam ju ze Adam naʼ ngù là, nukebwô bo vù seʼ nsa num njoñ ben fa.

• Efésô 1:7

  Ju tshuʼ bʼa manze ze Yaweh Nsi tôg bwe nesô ben ntùm nukebwô bo vùkob là.

“Nsi lo tum nkwi Mén i ntshùʼ ntùm njù ndù be tshùa njam i njôge.”​—1 Yohané 4:9

Yaweh Nsi naʼ fà ju tshuʼ à ndùke?

• Yobkwi 49:7, 8

  Sàm mèn naʼ ke kuʼni nebé ju tshuʼ num yôg nelàn ze Adam naʼ mbi là.

• Lukas 1:35

  Yaweh Nsi naʼ tum mèn i ze tanjoñ num nsitshaʼ bo bwe i mba mèn nelàn nà.

• Roma 3:23, 24; Héber 9:24

  Ngelañ Yésu naʼ ndo num vù là, a bèn mve kamànyam num nelaʼde tàab mbʼa fà wul i ze nelàn mba ju tshuʼ là.

“A nsi tshwétte njoñ ntsenyà fa miag bo; vù ke nsi bèn be.”​—Apokalipse 21:4

Be bag bin jù bin ju tshuʼ à ndùke?

• 1 Yohané 1:8, 9

  Be bo lagde tse ben mfànnu.

• Héber 9:13, 14

  Be kuʼni neghù nzentù nelàn mbwe Nsi.

• Roma 6:23

  Bag bin ghù nywinde num yôg matmat.

• Galatia 2:20

  Ndaʼ ju tshuʼ nke ndaʼdʼà mbe Yaweh Nsi bo Yésu kô ben neshu.

“Nsi . . . fà nkwi Mén i ntshùʼ, ndù mba we lo zʼa bam i là, . . . ghù yôg matmat.”​—Yohané 3:16

Be kuʼni nelaʼde mbe be nyàmde ju tshuʼ ze Nsi fà ben nʼà ndùke?

• Yohané 17:3

  A nelèn Yaweh Nsi bo Yésu mbèn mfiʼde yube.

• Lukas 22:19

  Nèn bumde num nekwimde vù Yésu njoñ nguʼ fa.

• Yohané 3:36; Yakobo 2:26

  Kà tshob ndaʼ ndù o ghù bamntù mfà num Yésu. Ghù ju zʼa bètte là.