1. Ô Yaweh Nsi, Nsi nganeta ntshùade,

Nkuʼni be num lén so nelàn ze ndùb là.

Yu nekô fa, o num ndunde Tà.

Nsi ndùb bag tshwèt ndeʼdʼo num yu Nufen.

Ghù a seʼ num yu ngelañ,

Ndù bag yen mbotni mi fa.

2. Bag labtʼo Tà num mbotni mu njoñ léʼ,

Ndaʼ tsʼo tshwèt mfà tshùa nkwade benntùn nyiañtu.

Ntumnsi ntse yôg, Ngafà njoñ nkaʼ fa,

O num mfà lènde, zenu bo tshét miag.

Bag aʼ labtʼo njoñ léʼ fa

Nyàmde tsho manze nkôni.

3. Mba ndù bag tshwèt njen ngeʼ ntùm yen njù li.

Bag béb à wù num fidentù bo nywinde.

Tà bag tshwèt ghuaʼ tshùalèt tshag num o.

So kù num bag mbèn mfà nzi nenèn mbwe.

Ywimde yag netsiañde ntùʼo,

Ke bèn ntsin neze ntshùʼ tsho.