Téké’é, Bengaa be Yéhôva be nji nyoñe ngabe awômô. Bia belane mimveane bôte b’ave a nlem ôse na bi bo ésaé Zambe. Jé é ne ngabe awômô, a amu jé Bengaa be Yéhôva be ne te nyoñe ngabe awômô?

Mveane ngabe awômô ya biôme bi bili, ô ne atiñe Zambe a nga ve bone be Israël. Ve jame da, Kalate Zambe a jô nne sañesañe na bekristene be nji fe beta bo ntindane ya tôñe metiñe me Moïse, to’o atiñe ya ngabe awômô.—Behébreu 7:5, 18; Becolossien 2:13, 14.

Bengaa be Yéhôva be nga tyi’i na ba tôñe abo dulu bekristene ya melu mvus, a lôté na ba tyi’i tañe môte ase a yiane ya’ane. Ba su’u ésaé Zambe jap a zen ébaé: ba kañete a ye’ele bôte mejô me Zambe teke sili moné. Bebien b’ave mimveane a nleme ôse na be suk ésaé Zambe ba bo.

Bia tôñe avale Kalate Zambe émiene ajô, na: “Môt ase a bo’ aval ane a kômbôya nleme wé été: sa mboane ya ôlun, nge wu ya ntindan: amu Zambe a nye’e nyô a ve a mevak.”—2 Becorinthien 9:7.