Ngone tane é too melu 19, mbu 2022, Conseil de sécurité des Nations unies a nga bo ékôan, bôte a lôte 75 be nga jô na “bita ya Ukraine bia bo na zaé COVID-19 a changement climatique ba soo je, é bo ve nenenen aval é ne na si é ne jembane bidi étua njemban.” Mvuse ya valé, kalate mefoé (The Economist) a nga jô na “bita bi bia zu bo na émo é wu mbia zaé.” Bible a nga mane kulu ajô zaé bia yene melu mangane ma, ve a ye’ele fe bia aval bi ne ke ôsu a jibi.

•    Yésus a nga jô na: “Ayoñ da ye wosan ayoñ afe, a njô bôt a ye wosan njô bôt mfe, a bemfum bane ya zaé. . . [ba] ye bo.”​—Matthieu 24:7.

•    Kalate Nlitan a kobô ajô dulu bikabela binyin. Ékabela jia ya été é ne ndem bita. Ékabela ja tôñe jili é ne ndeme zaé, é tii a éyoñ bidi bii jemban émo a bo nya dia makit. Kalate Zambe a jô na: “Me nga yen, a ô lôô, évindi ékabela; a nyu a nga too je yôp, a nga bili kop wo wé été. A me nga wô’ô aval ane nge é mbe tyiñ. . . é jô’ô na, ‘Jat nlisi jia franc jia, a biat bi orge bilal franc jia; a te ndamane mbon a vin.’”​—Nlitan 6:5, 6.

 Minkulan mejô mite mia tôéban melu mangane ma; Bible a loone melu mete na ‘melu ya asu’ulan.’ (2 Timothée 3:1) Nge wo kômbô yeme mam mefe a lat a ‘melu ya asu’ulan,’ a dulu bikabela binyin ya kalate Nlitan, yene’ vidéo a ne nlô ajô na Le monde a changé depuis 1914, lañe’ fe nlô ajô ô ne na « Les cavaliers de l’Apocalypse : qui sont-​ils ? »

•    Bible a bili mbamba melep me ne volô bia na bi dañ avale minjuk ese, to’o njembane bidi. Yene’ aval avé nlô ajô wu wo la’ase de: « Comment vivre avec moins ».

•    Bible a bo fe bia ngaka’a na mam mé su’ulane bo mvo’é. A kobô ajô môs “abui bidi da ye bo si nyu” a teke fe môt é beta jembane jôm ya di. (Besam 72:16) Nge wo kômbô yeme mam mefe a lat a bengaka’a Bible a bo bia asu melu ma zu, a amu jé bia yiane tabe ndi a be, lañe’ nlô ajô ô ne na: « Une espérance réelle pour des jours meilleurs ».