1. Bia nyiñ émo ji a bôte ba fu’u fé;

Be nji kôme yem Yéhôva.

Kalate Zambe a ve bia mba melep

Na bi nyoñe mbamba mintyi’an.

Bisulan biangan bia ve bia ngule nyul;

Bia yem’te ndi nleme jangan.

Miñye’elan bia nyoñe wôé mia volô bia,

Mia liti bia mbamba ntaban.

Bi nji yiane vuane metiñ me Zambe;

Bia vô’ôlô nye teke selan.

Nge bia yi na bi tu’a nye’e benya mejôô

Bia yiane tabe bisulan.

2. Yéhôva a yeme miñyiane miangan;

Nde bia yiane bo nye mewôk.

Bia sum awolo ya tabe bisulan

Amu bi too Mejô mé ndi.

Bemvendé bangan ba ve fe bia melep

Na bi ba’ale ngule mbunan.

Bia yeme fe na bi nji tebe étam,

Bobejañ ba liti bia nye’an.

Ajô te, bia yeme ngule ya k’ôsu,

“E” nté bia yange asu’ulan.

A bobejañ bañ bia veban ngule nyul

A mame bia yé’é bisulan.