Bia semé ésaé jôé
Limiti’i:
1. Me vo’o lañ mam Éjôé é boya ényiñe jam
Bibl’ a ye’ele ma mejô môé, abui bitua bi mam.
Ôlo wôé ô ne mewôk wo, bo n’éfufub é faé,
Bemvendé wo tel’ asu dam ba wô’ô fe ma mintaé.
Ma nye’e beta bitôkan, vôme wo ye’ele ma,
Ma bulane nda me jô’ô na: “ji njee ma te dañ nye’e!”
Bisulane ya sond’ ase, bia liti n’wo nye’e ma,
Bia volô fe ma na me nye’e a tu’a yeme kañete
(NKAÑESAN)
Bia semé ésaé jôé
a mam ése Éjôé ja bo, aval wo wulu bia.
Bia tu’a futi ndi nlem be wo, amu wo nyane bia.
Bia yang’ Éjôé, bi too mebun na wé botane bia.
2. Bi bili beta ma’a, bia wô’ô mvaé ya saé a wo!
Nge bia saé a nlem ôse, bia liti na bia nye’e wo.
Wo volô bia minlem, wo ye’ele bia benya mejôô;
Mbe ba wulu bia, ba liti bia zen é ne zôsôô.
Ma nye’e bia y’ékaña’a bia nambe ma nlem été.
Ayé’é ya nda bôte jam da loone nsisime wôé.
Bi ne jôme jia ja’a bia so meyoñ meval meval,
Élat éte ja liti na, bi ne fo’o ngum aval.
(NKAÑESAN)
Bia semé ésaé jôé
a mam ése Éjôé ja bo, aval wo wulu bia.
Bia tu’a futi ndi nlem be wo, amu wo nyane bia.
Bia yang’ Éjôé, bi too mebun na wé botane bia
