An dabaga ye sariyaw sigi furu ko la kabini tuma jan sani gofɛrɛnamanw ka sariyaw sigi o ko la. Bibulu kitabu fɔlɔ b’a fɔ an ye ko: “Cɛ na a fa ni a ba bila ka nɔrɔ a muso la, u na kɛ farisogo kelen ye.” (Jenɛse 2:24) Ka kɛɲɛ ni Bibulu dikisiɔnɛri ye min tɔgɔ ye Vine’s Expository Dictionary of Biblical Words, Heburukan daɲɛ min ye ko “muso”, “o bɛ hadamaden musoman de jira.” Yesu y’a sɛmɛntiya ko Ala ye minnu kɛ kelen ye furu la, olu ka kan ka kɛ “cɛ ni muso ye.”—Matiyu 19:4.

O la, Ala b’a ɲini furu ka kɛ jɛɲɔgɔnya duman ye kudayi cɛ ni muso cɛ. Cɛ ni muso dara walisa ka ɲɔgɔn dafa, o la u bɛna se ka ɲɔgɔn mago ɲɛ tin ni cɛ ni musoya ta fan fɛ ani ka denw sɔrɔ.