KALANSEN 7
Ala ka Masaya ye mun ye?
1. Ala ka Masaya ye mun ye?
Mun na Yesu de ye Masakɛ ye min ka kan?—MARKA 1:40-42.
Ala ka Masaya ye gofɛrɛnɛman ye min bɛ sankolo la.A bɛna bila gofɛrɛnɛman tɔw bɛɛ nɔ na ani o gofɛrɛnɛman sababu fɛ, Ala sago bɛna kɛ dugukolo ani sankolo la. Kibaru min bɛ Ala ka Masaya kan, o ye kibaru duman ye. Hadamadenw sagonata min ye ka gofɛrɛnɛman ɲumanw sɔrɔ, sɔɔni Ala ka Masaya bɛna o jɔyɔrɔ fa. O gofɛrɛnɛman bɛna dugukolo kan mɔgɔw bɛɛ fara ɲɔgɔn kan kelenya kɔnɔ.—Daniɛl 2:44; Matiyu 6:9, 10; 24:14 kalan.
Masaya ka kan ni Masakɛ ye. Jehova ye a denkɛ, Yesu Krista de sugandi walasa k’a kɛ a ka Masaya Masakɛ ye.—Jirali 11:15 kalan.
Wideyo lajɛ min tɔgɔ ye ko Ala ka Masaya ye mun ye?
2. Mun na Yesu de ye Masakɛ ye min ka kan?
Ala Denkɛ ye masakɛ ye min ka kan ka d’a kan a kaɲi wa tilennenya kow ka di a ye. (Matiyu 11:28-30) Ka fara o kan se ba bɛ a ye ka mɔgɔw dɛmɛ ka d’a kan a bɛ i to sankolo la ka dugukolo mara.A lakununnen kɔ, Yesu yɛlɛ la sanfɛ a ye i sigi ka makɔnɔni kɛ a Fa kini yan fanfɛ. (Heburuw 10:12, 13) A laban na, Ala ye sebaaya di a ma, a ka mara kɛ.—Daniɛl 7:13, 14 kalan.
3. Jɔni bɛna mara kɛ ni Yesu ye?
Jamakulu min bɛ wele ko “senumaw”, olu bɛna mara kɛ ni Yesu ye sankolo la. (Daniɛl 7:27) Senuma fɔlɔ minnu tun sugandira, olu tun ye Yesu ka ciden kantigiw ye. Fɔ an ka bi don in na, Jehova bɛ taa a fɛ ka cɛ ani muso kantigiw ɲɛnatɔmɔ ka u kɛ senumaw ye. I n’a fɔ Yesu cogoya, u bɛ lakunun ni farikolo hakilimaa ye.—Yuhana 14:1-3; 1 Kɔrɛntekaw 15:42-43 kalan.
Mɔgɔ hakɛ jumɛn bɛ taa sankolo la? Yesu bɛ u wele ko “sagakulunin”. (Luka 12:32) U bɛɛ faralen ɲɔgɔn kan u hakɛ ye 144 000 ye, u bɛna dugukolo mara ni Yesu ye.—Jirali 14:1 kalan.
4. Tuma min na Yesu ye mara daminɛ mun kɛra?
Ala ka Masaya ye mara daminɛ san 1914. * Yesu Masakɛlama ye baara fɔlɔ min kɛ o ye ka Sitanɛ ni a ka mɛlɛkɛ juguw kerun dugukolo kan. O la Sitanɛ diminnenba jiginna wa a y’a daminɛ ka dugukolo yɔrɔ bɛɛ ɲagami. (Jirali 12:7-10, 12) Kabini o waati la, dɔ farala hadamadenw ka tɔɔrɔ kow kan. Kɛlɛw, dugukolo yɛrɛyɛrɛw, kɔngɔw ani banaw ye “tamashyɛn” ko dɔw ye, Masaya bɛna i ɲɛsin kow minnu ma sɔɔni, ni a ye dugukolo kan kow ɲɛnabɔli daminɛ.—Luka 21:7, 10, 11, 31 kalan.
5. Ala ka Masaya bɛ ka baara jumɛn kɛ?
Waajuli baara sababu fɛ diɲɛ bɛɛ kɔnɔ, Ala ka Masaya bɛ ka jamaba fara ɲɔgɔn kan ka bɔ siyaw bɛɛ kɔnɔ. Mɔgɔ majigilen miliyɔn caman de bɛ ka kɛ Yesu ka mara denw ye. Ala ka Masaya bɛna o mɔgɔw lakana, waati min na a bɛna nin diɲɛ jugu halaki. O la ni i b’a fɛ ka nafa sɔrɔ ka bɔ Ala ka Masaya la i ka kan k’a ɲini ka kɛ mara den ye min bɛ Yesu kan minɛ.—Jirali 7:9, 14, 16, 17 kalan.
San 1 000 kɔnɔna na, Masaya bɛna Ala kuntilenna fɔlɔ waleya ka ɲɛsin hadamadenw ma. Dugukolo bɛɛ bɛna kɛ Alijɛnɛ ye. O kɔ Yesu bɛ Masaya segin a Fa ma. (1 Kɔrɛntekaw 15:24-26) Yala i bɛ mɔgɔ dɔ dɔn, i b’a fɛ ka Ala ka Masaya ko fɔ min ye wa?—Zaburu 37:10, 11, 29 kalan.
^ dak. 6 Walasa ka kunnafoni sɔrɔ Bibulu ka kiraya kuma waleyalikan san 1914, Bibulu bɛ mun de fɔ tigitigi? gafe ɲɛ 215-218 lajɛ.
