KALANSEN 2

Kuma baro kɛcogoya la

A BILA A LA

2 Kɔrɛntekaw 2:17

BAKURUBAFƆLI: Kuma i n’a fɔ k’i bɛ ka baro kɛ, kuma fana ni kɔnɔnajɛya ye cogo la min bɛ i dusukunnata jira ka ɲɛsin barokun ani i lamɛnbagaw ma.

Hakɛto, wideyo ani fɛn lamɛntaw porogaramu ma se ka dayɛlɛ.Nin wideyo in ta

Labɛn kɛ delili kɔnɔ ani i sɛbɛ don labɛn na. Delili kɛ walasa i sinsinnen ka to cikan kan i bɛ ka min lase, nka i kana sinsin i yɛrɛ kan. I ka kan ka yɔrɔ koloma minnu labɔ, olu to i hakili la. Barokun hakilinaw walawala i yɛrɛ kumacogo la, kana kumaw fɔ fɔ ka tugu ɲɔgɔn kɔ dɔrɔn iko a sɛbɛnnen bɛ cogo min na sɛbɛn kɔnɔ.

Ni i y’a boloda ka kalan kɛ ka bɔ Bibulu kɔnɔ walima gafe wɛrɛ kɔnɔ, a ɲini ka o tɛmɛsira dɔn ka ɲɛ, o bɛna a to kalanjɛ ka nɔgɔya i bolo. Ni mɔgɔw ka kumaw fɔlen bɛ yɔrɔ min na, olu ka kumaw kalantɔ, i dusukun bɛɛ kɛ ka o kumaw labɔ ani ka u kalan iko mɔgɔw bɛ deli ka kuma cogo min na.
Kuma ni kɔnɔnajɛya ye. Kun min na i lamɛnbagaw mago b’a la ka o cikan lamɛn, i hakili jagabɔ o kan. I sinsin u kan. O la, i farikolo lamaga cogo, i bolow lamaga cogow, ani i ɲɛda kɛcogo, olu bɛna i dusukunnakow ani dusumandiya labɔ ka ɲɛ.

Ka kuma i n’a fɔ k’i bɛ ka baro kɛ, kana o ni i mago tɛ ko la ɲagami. I bɛ ka cikan min lase, bonya da o kan i kɛtɔ ka kuma ka jɛya ani ka kuma koɲuman.
I lamɛnbagaw lajɛ. Yɔrɔ min na mɔgɔw ɲɛda lajɛli tɛ baasi ye, i ka to ka o kɛ. Ni i bɛ ka jɛmukan di, sani i ka to ka jama bɛɛ lajɛ walima ka to ka i ɲɛw yalayala mɔgɔw kan, to ka mɔgɔ kelen lajɛ i lamɛnbagaw cɛma waatinin kɔnɔ.

I JIJA KALANJƐ ANI MƆGƆW KALANNI NA

Bamanankan

Kalanjɛ ani mɔgɔw kalanni—⁠Kuma baro kɛcogoya la

https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png

th kalansen 2 ɲɛ 5