KALANSEN 02
Bibulu bɛ jigiya di
Diɲɛ fan bɛɛ, gɛlɛyaw bɛ mɔgɔ caman kan minnu bɛ ka u dusu kasi, ka u jɔrɔ ani hali ka dimin bila u la yɛrɛ. Yala o ɲɔgɔn delila ka i sɔrɔ wa? Laala i bɛ ka tɔɔrɔ ka d’a kan bana dɔ bɛ i la walima i diyanyemɔgɔ dɔ sara. A bɛ se ka kɛ ko i bɛ ka i yɛrɛ ɲininka ko, ‘Yala ɲɛnamaya bɛna fisaya wa?’ Bibulu bɛ o ɲininkali jaabi di, o min bɛ an hakili sigi.
1. Bibulu bɛ jigiya di cogo jumɛn na?
Bibulu b’a ɲɛfɔ kun min na an ka gɛlɛyaw ka ca nin cogo la. Kibaru duman fana b’a kɔnɔ, ni o ye ko, o gɛlɛyaw ye waatinin ko ye ani ko u bɛna ban sɔɔni. Bibulu ka layiduw bɛ se ka “jigi ɲuman ni laban koɲuman di” i ma. (Jeremi 29:11, 12 kalan.) O layiduw bɛ se ka an dɛmɛ an k’an ka gɛlɛyaw muɲu kabini sisan, ka hakilina ɲuman sɔrɔ ani ka lafiya sɔrɔ fo badaa don nataw la.
2. Bibulu bɛ kuma siniɲɛsigi sugu jumɛn de ko la?
Bibulu b’a fɔ ko, don nataw la “saya tɛna kɛ tun, su kasi fana tɛna kɛ tun, wala kasikan wala dimin”. (Jirali 21:4 kalan.) Gɛlɛya minnu bɛ se ka mɔgɔw ka jigiya bɔ u la bi, ni olu ye faantanya, tilenbaliyakow, banaw ani saya, olu tɛna kɛ yen bilen. Bibulu ye layidu ta ko hadamadenw bɛna se ka ɲɛnamaya kɛ nisɔndiya la fo badaa alijinɛ kɔnɔ dugukolo kan.
3. I bɛ se ka da a la tigitigi cogo di ko Bibulu ka layiduw bɛna tiimɛ?
Mɔgɔ caman jigi b’a kan fɛn ɲumanw ka kɛ, nka u tɛ se ka d’a la tigitigi ko u jigi bɛ o fɛn minnu kan ko olu bɛna kɛ. Bibulu ye min layidu ta, o ni olu ta tɛ kelen ye. Bibulu bɛ min fɔ, an bɛ se ka da o la tigitigi an kɛtɔ ka “Kitabuw kalan” ka u sɛgɛsɛgɛ koɲuman. (Kɛwalew 17:11) Ka i to Bibulukalan na, i bɛna se k’a latigɛ i yɛrɛ ye, ni i bɛ se ka da Bibulu ka fɔta la sini ko la.
DƆ FARA I KA DƆNNIYA KAN
Bibulu ye fɛn minnu layidu ta sini ko la, olu dɔ sɛgɛsɛgɛ. Bibulu ye jigiya min di, o bɛ ka mɔgɔw dɛmɛ cogo min na bi, o lajɛ.
4. Bibulu ye layidu ta an ye ko an bɛ se ka ɲɛnamaya kɛ fo badaa k’a sɔrɔ tɔɔrɔ fosi tɛ yen
Layidu minnu bɛ sɔrɔ Bibulu kɔnɔ, olu dɔw lajɛ dugumana na. O layiduw cɛla, jumɛnw de ka di i ye kosɛbɛ? Mun na?
Tɛmɛsiraw kalan minnu bɛ o layiduw kɛrɛ fɛ ani aw ka baro kɛ nin ɲininkaliw kan:
-
Yala e hakili la, nin tɛmɛsiraw bɛ i nafa wa? Yala e hakili la, i somɔgɔw ani i teriw fana bɛna nafa sɔrɔ o tɛmɛsiraw kalanni na wa?
Miiri i yɛrɛ la ka i to diɲɛ kɔnɔ, min na
|
MƆGƆ SI TƐNA . . . |
MƆGƆW BƐƐ BƐNA . . . |
|---|---|
|
|
|
|
|
|
|
|
|
|
5. Bibulu bɛ jigiya min di, o bɛ se ka yɛlɛma don kow la
Mɔgɔ caman fari fagalen don walima u diminnenba don ka dʼa kan u ɲɛ bɛ gɛlɛyaw la. Mɔgɔ caman bɛ k’a ɲini ni u seko bɛɛ ye, ka kow yɛlɛma walasa u ka fisaya. Bibulu ye layidu min ta ko kow bɛna fisaya, a lajɛ o bɛ ka mɔgɔw dɛmɛ cogo min na kabini sisan. A’ye WIDEYO lajɛ, o kɔ aw ka baro kɛ nin ɲininkaliw kan:
-
Wideyo kɔnɔ, tilenbaliyako jumɛn de tun bɛ ka Rafika tɔɔrɔ?
-
Hali n’a y’a sɔrɔ a tun ɲɛ bɛ tilenbaliyako minnu na olu ma bɔ yen, Bibulu y’a dɛmɛ cogo di?
Bibulu bɛ jigiya min di sini ko la, o bɛ se ka an dɛmɛ ka farifaga kɛlɛ ani ka se sɔrɔ an ka gɛlɛyaw kan koɲuman. Ntalenw 17:22 ani Romɛkaw 12:12 kalan, o kɔ aw ka baro kɛ nin ɲininkaliw kan:
-
Jigiya kuma minnu bɛ sɔrɔ Bibulu kɔnɔ, yala i ka miiri la, olu bɛ se ka yɛlɛma don kow la i ka ɲɛnamaya kɔnɔ sisan wa? Mun na?
MƆGƆ DƆW B’A FƆ KO: “Bibulu ye layidu minnu ta sini ko la, o ye kodumanba ye cogo min na, o tɛ se ka kɛ tiɲɛ ye.”
-
E hakili la, mun na a nafa ka bon i ka o daliluw sɛgɛsɛgɛ walasa k’a dɔn ko Bibulu ka layiduw bɛ se ka tiimɛ?
BAKURUBAFƆLI
Bibulu bɛ jigiya di an ma. A bɛ an dɛmɛ fana an ka se sɔrɔ gɛlɛyaw kan. A bɛ olu kɛ ka dʼa kan a ye siniɲɛsigi hɛrɛma layidu ta an ye.
Seginnkanni
-
Mun na mɔgɔw mago bɛ jigiya la?
-
Bibulu bɛ mun de fɔ sini ko la?
-
Ka jigiya sɔrɔ sini ko la, o bɛ se ka i dɛmɛ cogo di sisan?
NINNU LAJƐ
A ɲini k’a dɔn jigiya bɛ se ka i dɛmɛ cogo min na ni gɛlɛyaw bɛ i kan.
Bana kuntagalajan bɛ minnu na, a ɲini k’a dɔn jigiya min bɛ an ye sini ko la, o bɛ se ka o mɔgɔw dɛmɛ cogo min na.
“Ka ɲɛnamaya kɛ ni bana kuntagalajan ye—Yala Bibulu bɛ se ka dɛmɛ kɛ wa?” (jw.org barokun dɔ)
Mɔgɔ dɔ, min tun bɛ kɛlɛ kɛ walasa kow ka yɛlɛma, o ka ɲɛnamaya yɛlɛmana cogo min na a kɛlen ka dɔn Bibulu bɛ jigiya min di sini ko la, o kalan.
“Ne tʼa miiri bilen ko nʼka kan ka diɲɛ yɛlɛma” (wp13 01/07)
