San o san, Jehova Seerew ani u ye mɔgɔ miliyɔn caman minnu wele, olu bɛ jɛ ka Yesu ka saya hakilijigin seli kɛ ɲɔgɔn fɛ siɲɛ kelen diɲɛ fan bɛɛ iko a y’a fɔ u ye cogo min na. (Luka 22:19) Yesu ye min kɛ tuma min na a y’a ka ɲɛnamaya di Hadamadenw kosɔn, o nafa ye min ye, nin koba in bɛ an dɛmɛ an ka o faamu. A ka saraka bɛ se ka nɔ bila an ka ɲɛnamaya la cogo min na kabini sisan ani don nataw la, nin koba in fana bɛ o jira an na.—Yuhana 3:16.

 Ni a kɛra ko i nana Yesu ka saya hakilijigin seli la ɲinan walima ko i man na, i bɛ se ka nafa sɔrɔ Yesu ka saraka la cogo di? Yesu y’a fɔ ko an ka kan ka fɛn nafama fila kɛ:

1.  1. A ɲini ka fɛn caman dɔn Ala ani Yesu ko la. Yesu y’a sankolo la Fa deli k’a fɔ a ye ko: “Ɲɛnamaya banbali ye nin de ye ko, u bɛ e dɔn ko i ye Ala sɛbɛ kelenpe ye, ka Yesu Krisita dɔn, i ye o min ci.”—Yuhana 17:3.

2.  2. I bɛ ka min kalan, i ka o waleya. Yesu y’a jira ko an ka kan ka a ka kalansiraw waleya an ka ɲɛnamaya kɔnɔ. Misali la, a y’a ka kulu kan waajuli kuncɛ ni mɔgɔw tanuli ye minnu bɛ a ka “kumaw lamɛn ka u kɛ”. (Luka 6:46-48) O cogo kelen na, ko wɛrɛ sen fɛ, a y’a fɔ ko: “Sisan aw bɛ o kow dɔn. Ni aw ye o kow kɛ, aw na kɛ dubadenw ye.”—Yuhana 13:17.

 Yala i b’a fɛ ka fɛn caman wɛrɛw dɔn Ala ani Yesu ko la wa? Yala i mago bɛ laadilikan jɔnjɔnw na walasa k’a dɔn i bɛ se ka i ka fɛn kalanta waleya cogo min na wa? Fɛn dɔw filɛ nin ye minnu bɛ se ka i dɛmɛ.

 An ka Bibulukalan min bɛ mɔgɔ nafa, an b’o kɛ mɔgɔw kun fu la. O Bibulukalan ye mɔgɔ caman dɛmɛ ka Bibulu sɛgɛsɛgɛ ani ka a kɔnɔ kumaw waleya u ka ɲɛnamaya kɔnɔ.

•   Yan yɔrɔ lajɛ: Bibulukalan, mɔgɔ dɔ bɛ min kɛ i kun, walasa ka fɛn caman dɔn o kalan kɛcogo kan.

•   Jehova Seerew bɛ Bibulukalan min kɛ mɔgɔw kun, walisa k’a dɔn o bɛ kɛ cogo min na, nin wideyo lajɛ: I danse i ka Bibulukalan na.

 Jehova Seerew bɛ u lajɛ siɲɛ fila dɔgɔkun kɔnɔ u ka batokɛyɔrɔ la min bɛ wele Masaya So. O lajɛw la, an bɛ Bibulu kalansiraw sɛgɛsɛgɛ, ani an bɛ se ka o kalansiraw waleya cogo min na an ka ɲɛnamaya kɔnɔ, an bɛ baro kɛ o fana kan.

 O lajɛw dabɔra bɛɛ kama, i diyagoyalen tɛ ka kɛ Jehova Seere ye walisa ka na o lajɛw la. Ka kɛɲɛ ni aw ka yɔrɔ kow cogoyaw ye, i bɛ se ka taa o lajɛw kɛ u kɛyɔrɔ la walima i bɛ se ka u kɛ wideyokonferansi fɛ.

•   Nin wideyo lajɛ: Mun de bɛ kɛ Masaya So kɔnɔ? walisa k’a dɔn i bɛna min ye o lajɛw la.

•   Lajɛ kɛyɔrɔ dɔ sɔrɔ min ka surun i la i kɛtɔ ka nin yɔrɔ lajɛ: Jehova Seerew ka lajɛw.

 Barokunw ani wideyo minnu bɛ jw.org siti kan, olu caman bɛ se ka i dɛmɛ i ka fɛn caman dɔn Yesu ka kalansiraw kan, ani a ka saraka nafa ye min ye ka fɛn caman dɔn o fana kan.

 Misali la, walisa k’a dɔn cɛ kelen ka saya bɛ se ka mɔgɔ miliyɔn caman nafa cogo min na, nin barokunw kalan: “Yesu bɛ an kisi—A b’o kɛ cogo di?” ani “Mun na Yesu tɔɔrɔla ani ka sa?” walima nin wideyo lajɛ: Mun na Yesu sara?