?Ol Profet Tok Long Saed Blong Mesaea Oli Stret Long Jisas?
Ansa we Baebol i givim
Taem Jisas i stap long wol, hem i mekem plante profet tok long saed blong “Mesaea we God i jusumaot” mo “Sevia blong ol man blong wol,” i kamtru. (Daniel 9:25; 1 Jon 4:14) Mo tu, hem i gohed blong mekem oli kamtru afta we hem i ded.—Ol Sam 110:1; Ol Wok 2:34-36.
?Wanem mining blong tok ya “Mesaea”?
?I save gat plante man we oli mekem ol profet tok blong Mesaea i kamtru?
?Mesaea i save kamtru long fiuja?
?I gat hamas profet tok long saed blong Mesaea long Baebol?
Sam profet tok long saed blong Mesaea we Jisas i mekem oli kamtru
?Wanem mining blong tok ya “Mesaea”?
Hibru tok ya Ma·shiʹach (Mesaea) we long Grik hem i Khri·stos (Kraes), i minim “Man we God i jusumaot. Taswe “Jisas Kraes” i minim “Jisas We God i Jusumaot” o “Mesaea Jisas.”
Bifo, taem oli wantem givim wan impoten wok long wan man, oli kafsaedem oel i go long hed blong hem. (Levitikas 8:12; 1 Samuel 16:13) God i jusumaot Jisas blong i kam Mesaea. Hemia wan impoten wok. (Ol Wok 2:36) Nating se i olsem, God i no kafsaedem oel long hed blong hem, be hem i sanem tabu spirit i kamdaon long hem.—Matiu 3:16.
?I save gat plante man we oli mekem ol profet tok blong Mesaea i kamtru?
Nogat. Ol profet tok blong Baebol oli stret long wan man nomo we i Mesaea o Kraes, olsem ol laen long han blong wan man oli blong man ya nomo. Be Baebol i givim woning se: “Plante giaman Kraes mo giaman profet bambae oli girap, oli mekem ol bigbigfala saen mo ol samting blong sapraes blong lidim ol man oli go krangke, mo sipos oli naf, bambae oli giaman long ol man ya tu we God i jusumaot olgeta.”—Matiu 24:24.
?Mesaea i save kamtru long fiuja?
Nogat. Baebol i talem se Mesaea bambae i kamaot long laen blong King Deved blong Isrel. (Ol Sam 89:3, 4) Be ol buk we oli makemaot ol man long laen blong Deved oli lus taem ol man Rom oli spolem Jerusalem long yia 70. a[3] Kam kasem tede, i no gat man i save pruvum se hem i kamaot long laen blong King Deved. Be long taem blong Jisas, ol buk ya oli stap yet. Taswe ol enemi blong Jisas oli no agensem hem taem hem i talem se hem i kamaot long laen blong Deved.—Matiu 22:41-46.[4]
?I gat hamas profet tok long saed blong Mesaea long Baebol?
Yumi no save talem stret se i gat hamas profet tok we i tokbaot Mesaea. Fasin blong kaontem ol profet tok ya i no sem mak. Long sam vas we i talemaot plante samting long saed blong Mesaea olsem Aesea 53:2-7, sam man oli kaontem ol vas ya olsem wan profet tok nomo. Be sam narafala man oli kaontem ol wanwan samting we ol vas ya oli tokbaot, olsem ol defdefren profet tok.[8]
Sam profet tok long saed blong Mesaea we Jisas i mekem oli kamtru
Profet Tok |
Vas |
Kamtru Olsem Wanem |
|---|---|---|
Ol Pikinini blong Ebraham[12] |
||
Pikinini blong Aesak, boe blong Ebraham[13] |
||
Bon long laen blong Juda long Isrel[14] |
||
I kamaot long laen blong King Deved[15] |
||
Wan yang gel i bonem hem[16] |
||
Bon long Betlehem[17] |
||
Nem blong hem Emanuel b[18] |
||
Famle i no rij[19] |
||
Oli kilim i ded ol pikinini boe[19a] |
||
God i singaot hem i aot long Ijip[20] |
||
Oli singaot hem se man Nasaret c[21] |
||
Wan man blong karem tok i kam fastaem[23] |
||
Hem i kam Mesaea long yia 29 d |
||
God i talem se Jisas i Pikinini blong hem[25] |
||
Tingting blong hem i strong blong protektem haos blong God[26] |
||
Man blong talemaot gud nius[27] |
||
Wok blong prij long Galili i olsem wan bigfala laet[28] |
||
Mekem merikel olsem Moses[29] |
||
Olsem Moses, hem i talemaot tok blong God[30] |
||
Hem i karemaot sik blong plante man[31] |
||
Hem i no pulum ol man blong oli lukluk hem[32] |
||
Hem i sore long olgeta we oli harem nogud[33] |
||
Hem i soemaot stret fasin blong God[34] |
||
Nambawan Man blong givim advaes[35] |
||
Hem i talemaot nem blong Jehova[36] |
Ol Sam 22:22, NW |
|
Yusum ol parabol[37] |
||
Wan lida[38] |
Daniel 9:25, NW |
|
Plante oli no bilif long hem[39] |
||
Ston we plante man i foldaon long hem[40] |
||
Ol man oli ting nating long hem[41] |
||
Agensem hem blong nating nomo[42] |
||
Hem i raed i kam long Jerusalem long wan dongki[43] |
||
Ol pikinini oli presem hem[44] |
||
Kam long nem blong Jehova[45] |
||
Wan fren i putum hem long han blong ol enemi[46] |
||
Oli salem hem blong 30 silva mane e[47] |
||
Ol fren blong hem oli lego hem[49] |
||
Ol man oli talem giaman toktok agensem hem[50] |
||
Hem i no toktok taem oli stap jajem hem[51] |
||
Oli spet long hem[52] |
||
Oli kilim hed blong hem[53] |
||
Oli wipim hem[54] |
||
Hem i no blokem ol man we oli stap kilim hem[55] |
||
Ol lida blong gavman oli agensem hem[56] |
||
Oli nilim han mo leg blong hem long pos[56a] |
||
Oli sakem daes from ol klos blong hem[57] |
||
Oli kaontem hem wetem ol man nogud[58] |
||
Oli tok nogud long hem[59] |
||
Hem i safa from ol sin blong yumi[60] |
||
I luk olsem we God i lego hem[61] |
||
Oli givim waen we i konkon long hem[63] |
||
Hem i tosta jes bifo we hem i ded[62] |
||
Hem i putum spirit blong hem long han blong God[64] |
||
Hem i letem laef blong hem[65] |
||
Hem i givim ransom sakrefaes blong tekemaot sin[65a] |
||
Oli no brekem wan bun blong hem[66] |
||
Oli sperem saed blong hem[67] |
||
Oli berem hem wetem ol rijman[68] |
||
Hem i laef bakegen[69] |
||
Narafala man i tekem ples blong Judas[70] |
||
Hem i sidaon long raetsaed blong God[71] |
a Wan buk (Cyclopedia blong McClintock mo Strong) i talem se: “I klia nomo se ol buk we oli makemaot laen blong ol man Jiu oli lus taem ol ami oli spolem Jerusalem, be i no bifo long taem ya.”[5]
b Hibru nem ya Emanuel i min se “God i stap wetem yumi.” Nem ya i soemaot klia, wok we Jisas i mekem olsem Mesaea. Ol wok we hem i mekem taem hem i stap long wol, i pruvum se God i stap wetem ol man blong hem.—Luk 2:27-32; 7:12-16.[18a]
c Tok ya “man Nasaret” i kamaot long Hibru tok ya neʹtser, we i min se “niufala gru.”[22]
d Blong save moa long stret taem we Mesaea bambae i kamtru, yu luk haf ya “Profet Tok Blong Daniel i Talemaot Taem We Mesaea i Mas Kam.”[24]
e Profet tok ya i stap long buk blong Sekaraea, be Matiu i talem se hemia “tok we profet Jeremaea i talemaot.” (Matiu 27:9) Samtaem oli putum buk blong profet Jeremaea i faswan long ol “buk blong ol profet.” (Luk 24:44) Taswe taem Matiu i talem Jeremaea, maet hem i stap minim olgeta buk blong ol profet, we insaed, i gat buk blong Sekaraea tu i stap.[48]
