?God Hem i Hu?
Plante man oli talem se oli bilif long God. Be sipos yu askem long olgeta se God hem i hu, bambae oli talem ol defdefren ansa. Samfala oli ting se God i wan strong jaj, we i wantem panisim ol man nomo from ol mastik blong olgeta. Sam narafala oli ting se hem i lavem ol man mo bambae hem i fogivim olgeta nomata wanem nogud samting oli mekem. Mo sam narafala bakegen oli ting se God i stap longwe tumas mo i no tingbaot yumi. Ol defdefren tingting olsem oli mekem plante man oli harem se i no gat rod blong save se God hem i hu.
?I impoten blong save? Yes. Sipos yu save gud God, bambae yu no harem se laef i blong nating nomo be bambae yu glad. (Ol Wok 17:26-28) Sipos yu kam klosap long God, bambae hem i lavem yu mo i givhan long yu. (Jemes 4:8) Mo tu, stret save long saed blong God i save lidim yu blong kasem laef we i no save finis.—Jon 17:3.
?Olsem wanem blong save God? Tingbaot wan man we yu save gud, maet wan gudfala fren blong yu. ?Olsem wanem yu stat blong fren wetem hem? Ating yu save nem blong hem fastaem, afta yu save ol fasin blong hem, ol samting we hem i laekem mo i no laekem, mo tu ol plan blong hem, mo plante narafala samting bakegen. Yu kasem save long hem, mo hemia nao samting we i mekem se yu laekem hem.
Long sem fasin, blong save God, yumi mas faenem ansa blong ol kwestin ya:
Magasin ya i tokbaot ansa we Baebol i talem long ol kwestin ya. Bambae yu faenemaot se God hem i hu, mo tu, olsem wanem hem i save givhan sipos yu fren gud wetem hem.
Maet Yu Laekem Hemia Tu
WAJTAOA
?Wanem Nem Blong God?
?Yu yu save se God i gat wan nem, mo nem ya i soemaot se hem i olsem wanem?
