Abantu aba kuti balibatishiwe no kuba Inte sha kwa Yehova, e lyo baleka ukushimikila, nalimo no kuleka ukulalongana na Bena Kristu banabo, tatubataluka iyo. Na kuba, tulaya mu kubakoselesha pa kuti batemwe ifya kwa Lesa na kabili.

 Umuntu nga acita ulubembu ulukalamba, te kutila ninshi uyo afwile fye ukutamfiwa. Lelo nga ca kutila Nte uwabatishiwa atwalilila fye ukupula mu mafunde ya kwa Lesa kabili talelapila, tulamutaluka nelyo alatamfiwa mu cilonganino. Baibolo yalilanda apabuuta tuutu ukuti: “Fumyeni mwi bumba lyenu imbifi iyo.”—1 Abena Korinti 5:13.

 Nomba ciba shani ku mwaume uwatamfiwa lelo abakashi bakwe na bana bena bacili Inte sha kwa Yehova? Alatwalilila ukusakamana ulupwa lwakwe, lelo alaleka ukucitila pamo nabo ifya kwa Lesa. Icupo tacipwa kabili alatwalila ukutemwa no kusakamana abakashi bakwe na bana.

 Abatamfiwa kuti baisa ku kulongana kwa cilonganino. Na kabili nga balefwaya kuti babafunda kuli baeluda ba mu cilonganino. Ico baeluda bafwaya sana kubafwa pa kuti na kabili bakabe Inte sha kwa Yehova. Abatamfiwa nga baleka imibele yabipa no kulanga ukuti cine cine balefwaya ukulakonka amafunde ya mu Baibolo, balabapokelela mu cilonganino na kabili.