ICIPANDE ICIKALAMBA | BUSHE INTE SHA KWA YEHOVA NI BANI?
Cinshi Inte sha kwa Yehova Babilila Imbila Nsuma?
Abantu balitwishiba sana pa mulandu wa kuti tulashimikila imbila nsuma pa mayanda, mu fifulo umusangwa sana abantu e lyo na ku ncende konse ukusangwa abantu. Cinshi cilenga tuleshimikila imbila nsuma?
Ba Nte balashimikila imbila nsuma pantu bafwaya ukucindika Lesa kabili bafwaya abantu baishiba ishina lya kwa Lesa. (AbaHebere 13:15) Cimbi icilenga tuleshimikila imbila nsuma ni co tulakonka ifyo Kristu Yesu atwebele ilyo atile: “E ico kabiyeni, kalengeni aba nko shonse ukuba abasambi, . . . mulebasambilisha ukulakonka fyonse ifyo namwebele.”—Mateo 28:19, 20.
Na cimbi icilenga tuleshimikila imbila nsuma, ni co twalitemwa abanensu. (Mateo 22:39) Na lyo line, twalishiba ukuti abantu abengi balikwata ifyo basumina kabili te bonse abatemwa imbila nsuma iyo tubila. Apo twalishiba ukuti ukusambilisha abantu Baibolo kuti kwalenga bapusuka, ‘tulasambilisha no kubila imbila nsuma pali Kristu Yesu ukwabula ukuleka,’ nga fintu Abena Kristu balecita mu nshita sha batumwa.—Imilimo 5:41, 42.
Abasambilila sana, ba Antonio Cova Maduro, balandile ukuti, “ba Nte balabombesha mu mulimo wa kushimikila imbila nsuma ica kuti balanaka no kunaka . . . , pa kuti fye babombe uyu umulimo mu fyalo fyonse.”—E fyalandile inyunshipepala iya El Universal, iya ku Venezuela
Abantu abengi ababelenga impapulo shesu no kusambilila Baibolo na ifwe, te ba Nte. Nangu ca kuti aba bantu balikwata uko bapepa, balatemwa sana ukuti ba Nte balalanshanya nabo ifya mu Baibolo.
Nalimo na imwe mwalikwata amepusho na yambi pa Nte sha kwa Yehova. Kuti mwasanga amasuko nga ca kuti
-
Mwaipusha Inte sha kwa Yehova.
-
Mwaya pa webusaiti yesu iya www.isa4310.com/bem.
-
Mulelongana ne Nte sha kwa Yehova, kabili bonse abaya kuli uku ukulongana, tababalipilisha.
Nalimo Kuti Mwatemwako ne fi
AMEPUSHO ABANTU BEPUSHA SANA
Bushe Inte sha kwa Yehova Basumina Ukuti E Bakapusuka Fye Beka?
Baibolo yalilondolola abakakwata ishuko lya kupusuka.
AMEPUSHO ABANTU BEPUSHA SANA
Bushe Inte sha kwa Yehova Abanakashi Balashimikila?
Mulimo nshi abanakashi babomba mu mulimo wa Nte sha kwa Yehova uwa kushimikila imbila nsuma mu calo conse?
AMEPUSHO ABANTU BEPUSHA SANA
Bushe Inte sha kwa Yehova Balicindika imipepele Imbi?
Ishibeni ifyo ukuba no mucinshi kwabela cishibilo ca Bena Kristu ba cine.
