Amasuko ku Mepusho ya mu Baibolo
Mulandu nshi tulingile ukulaibukishisha imfwa ya kwa Yesu?
Finshi imfwa ya kwa yesuikafumyapo ku ntanshi?—esaya 25:8; 33:24
Ukufuma fye na kale, abantu balishiba ukuti ukwibukisha imfwa ya kwa Yesu kwalicindama sana, pantu ico afwilile kutulubula ku lubembu ne mfwa. Lesa tapangile abantu ukuti balecita ifyabipa, ukuti balelwala, nelyo ukufwa. (Ukutendeka 1:31) Ulubembu lwaingilile mu muntu wa kubalilapo Adamu. Ico Yesu afwiliile kutulubula ku lubembu ne mfwa.—Belengeni Mateo 20:28; Abena Roma 6:23.
Filya Lesa atumine Umwana wakwe pano calo, cilangililo ca kuti alitutemwa sana. (1 Yohane 4:9, 10) Yesu aebele abasambi bakwe ukulaibukisha imfwa yakwe mu nshila fye iyayanguka ukubomfya umukate no mwangashi. Nga tuleibukisha imfwa ya kwa Yesu cila mwaka, tulanga ukuti tulatasha pa fyo Lesa na Yesu batutemwa.—Belengeni Luka 22:19, 20.
Ni bani balingile ukulyako umukate no kunwako umwangashi?
Ilyo Yesu aebele abasambi bakwe ukulaibukisha imfwa yakwe pa muku wa kubalilapo, alilandile pa cimpangano. (Mateo 26:26-28) Ici cipangano calengele ukuti abasambi bakwe, e lyo na bambi bakabe ishamfumu kabili bashimapepo nankwe mu muulu, kabili impendwa yabo yali no kuba iyakumanina. Nangu ca kuti abantu abengi nga nshi balasangwako ku kwibukisha imfwa ya kwa Yesu, abalyako umukate no kunwako umwangashi, bantu abo apangana nabo icipangano.—Belengeni Ukusokolola 5:10.
Pa myaka mupepi na 2,000, Yehova alasala abakaba ishamfumu (Luka 12:32) Aba baaba fye abanono nga kubalinganya ku bakekala pano calo umuyayaya.
Nalimo Kuti Mwatemwako ne fi
PA NTE SHA KWA YEHOVA
Icibukisho ca Mfwa ya kwa Yesu
Cila mwaka abantu abengi sana balalongana pamo ku kwibukisha imfwa ya kwa Yesu. Mukwai tulemwita ukwisalongana na ifwe pa kuti mukeshibe ifyo uku ukulongana ukwacindama kwamukuma.
ULUPUNGU LWA KWA KALINDA
Cinshi Twibukishisha Imfwa ya kwa Yesu?
Abantu abengi balasefya ukufyalwa kwa kwa Yesu pa Krisimasi no kubuuka kwakwe pa Easter. Nomba cinshi ba Nte basefesha imfwa ya kwa Yesu?
AMEPUSHO ABANTU BEPUSHA SANA
Mulandu Nshi Ifyo Inte sha kwa Yehova Bacita Umulaalilo wa kwa Shikulu Fyapusanina ne fyo Imipepele Imbi Icita?
Umulalilo wa kwa Shikulu nelyo Icibukisho ca mfwa ya kwa Kristu, e kulongana ukwacindamisha uko Inte sha kwa Yehova bakwata. Moneni ifyo Baibolo ilanda pali uku kulongana.
