Ilyashi Lya ku Cintubwingi Ilyaibela

Ni Kwi Twingasanga Ifingatwafwa Ukushipikisha Amafya ya Muno Nshiku?

Muno nshiku, kwingi sana mwingasanga abengamupanda amano. Abantu abengi balitemwa ukubelenga ifitabo no kukutika ku maprogramu ya pa TV ayalanda pa fyo bengapwisha amafya. Na lyo line, amafya tayapwa. Nalimo mulatontonkanyapo ukuti, ‘Bushe kwaliba uko ningapandwa amano yene yene?’ Ee, e ko kwaba!

Nangu ca kutila ni kale sana Baibolo bailembele, yalikwata ifyebo ifingatwafwa ukwasuka amepusho pamo nga:

▪ Kuti nawikishanya shani na bo mpusene nabo pa kuti ndeumfwana nabo?

▪ Kuti nacita shani pa kuti mbe ne nsansa?

▪ Kuti nacita shani pa kupwisha amafya ya ndalama?

▪ Kuti nacefyako shani amasakamika?

Aya mepusho yakasukwa mu lyashi lya ku cintubwingi ilileti, “Bushe Ifishinte fya mu Baibolo Kuti Fyatwafwa Ukushipikisha Amafya ya Muno Nshiku?” Ili lyashi ilikafuma muli Baibolo likalandwa mwi sonde lyonse mu fyalo ukucila pali 230. Mu ncende ishingi, ili lyashi likabela pa Ng’anda ya Bufumu iya Nte sha kwa Yehova, pa Mulungu pa 1 May, 2011.

Mukepushe ba Nte abo mwikala nabo ku ncende imo ine. Bakamweba inshita no ko uku kulongana kukabela. Mukwai tulemwita ukuti mukasangweko.